ତୀର୍ଥଯାତ୍ରା ହେଲା ମହାଯାତ୍ରା: ଗୁଜୁରାଟ ଅମ୍ବାଜୀ ମନ୍ଦିରରୁ ଦର୍ଶନ ସାରି ଫେରୁଥିବା ବେଳେ ଓଲଟିଲା ବସ୍, ୨୧ ଜଣଙ୍କର ମୃତ୍ୟୁ
ବନାସକାଣ୍ଠା(ଗୁଜୁରାଟ) : ତୀର୍ଥଯାତ୍ରା ହେଲା ମହାଯାତ୍ରା। ଗୁଜୁରାଟର ବନାସକାଣ୍ଠାରେ ମର୍ମନ୍ତୁଦ ବସ୍ ଦୁର୍ଘଟଣା ଘଟିଛି । ୩୦ରୁ ଅଧିକ ଯାତ୍ରୀଙ୍କୁ ନେଇ ଯାଉଥିବା ବସ୍ଟି ଦୁର୍ଘଟଣାଗ୍ରସ୍ତ ହେବାରୁ ଅନେକ ଯାତ୍ରୀ ମୃତାହତ ହୋଇଥିବା ନେଇ ସୂଚନା ମିଳିଛି । ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଏସ୍ଜି ଶାହା ଏହି ଦୁର୍ଘଟଣାରେ ପ୍ରଥମେ ୧୮ଜଣ ମୃତ୍ୟୁବରଣ କରିଥିବା ନେଇ ସ୍ପଷ୍ଟ କରିଥିବା ବେଳେ ଏବେ ମୃତ୍ୟୁ ସଂଖ୍ୟା ୨୧କୁ ଛୁଇଁଛି । ଦୁର୍ଘଟଣାର ତୁରନ୍ତ ପରେ ଉଦ୍ଧାରକାର୍ଯ୍ୟ ଆରମ୍ଭ ହୋଇଥିବା ବେଳେ ଏବେ ବି କିଛି ଲୋକ ବସ୍ ତଳେ ଚାପି ହୋଇ ରହିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୁଜୁରାଟର ବନାସକାଣ୍ଠାରେ ଥିବା ତ୍ରିଶୁଳିଆ ଘାଟ ପାଖରେ ସୋମବାର ସଂନ୍ଧ୍ୟା ୪ଟାରେ ଘରୋଇ ବସ୍ଟି ଅମ୍ବାଜୀ ମନ୍ଦିରରୁ ଦର୍ଶନ ସାରି ଫେରୁଥିବା ଯାତ୍ରୀଙ୍କୁ ନେଇ ଆସୁଥିବା ବେଳେ ଦୁର୍ଘଟଣାର ଶିକାର ହୋଇଥିଲା । ବୁଲାଣି ବୁଲୁଥିବା ବେଳେ ଭାରସାମ୍ୟ ହରାଇ ବସଟି ଓଲଟି ଯାଇଥିଲା । ଦୁର୍ଘଟଣା ସମୟରେ ବସ୍ରେ ୩୦ରୁ ଅଧିକ ତୀର୍ଥଯାତ୍ରୀ ଥିବା ବେଳେ ୯ ଜଣ ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ଡାକ୍ତରଖାନାକୁ ଚିକିତ୍ସା ପାଇଁ ପଠାଇ ଦିଆଯାଇଛି ।