ରୁଷ୍ରୁ ଏସ୍-୪୦୦ କିଣିଲେ ସହଯୋଗ ସୀମିତ ହେବ, କିନ୍ତୁ ଭାରତକୁ ସାହାଯ୍ୟ କରିବାକୁ ଆମେ ପ୍ରସ୍ତୁତ: ଯୁକ୍ତରାଷ୍ଟ୍ର ଆମେରିକା
ଓ୍ଵାସିଂଟନ୍: ସଦ୍ୟତମ ପ୍ରଯୁକ୍ତିବିଦ୍ୟା ଏବଂ ଉପକରଣ ସମ୍ବଳିତ ଭାରତର ପ୍ରତିରକ୍ଷା ଆବଶ୍ୟକତା ପୂରଣ ନିମନ୍ତେ ଯୁକ୍ତରାଷ୍ଟ୍ର ଆମେରିକା ସାହାଯ୍ୟ କରିବାକୁ ପ୍ରସ୍ତୁତ ଅଛି, କିନ୍ତୁ ନୂଆଦିଲ୍ଲୀ ରୁଷ୍ ଠାରୁ ଲଙ୍ଗ୍ ରେଞ୍ଜ୍ ଏସ୍- ୪୦୦ ମିସାଇଲ୍ ଡିଫେନ୍ସ୍ ସିଷ୍ଟମ୍ ଖରିଦ କରୁଥିବାରୁ ସହଯୋଗ ସୀମିତ ହେବ ବୋଲି ଡୋନାଲଡ୍ ଟ୍ରମ୍ପ୍ ପ୍ରଶାସନ ସତର୍କ କରାଇ ଦେଇଛି।
Sambad is now on WhatsApp
Join and get latest news updates delivered to you via WhatsApp
ମସ୍କୋରୁ ମାରାତ୍ମକ ମିସାଇଲ୍ ସିଷ୍ଟମ୍ ଖରିଦ କରିବାକୁ ନୂଆଦିଲ୍ଲୀ କରିଥିବା ରାଜିନାମା ଭାରତ-ଯୁକ୍ତରାଷ୍ଟ୍ର ଆମେରିକା ସହଯୋଗ ଉପରେ ଗୁରୁତର ପ୍ରଭାବ ପକାଇ ପାରେ ବୋଲି ଯୁକ୍ତରାଷ୍ଟ୍ର ଆମେରିକାର ବୈଦେଶିକ ବିଭାଗର ଜଣେ ବରିଷ୍ଠ ଅଧିକାରୀ ସପ୍ତାହେ ତଳେ ଏକା ପ୍ରକାର ଚେତାବନୀ ଶୁଣାଇଥିଲେ।
ରୁଷ୍ର ଏସ୍-୪୦୦ ସବୁଠୁ ଉନ୍ନତ ଲଙ୍ଗ୍-ରେଞ୍ଜ୍ ଭୂ-ପୃଷ୍ଠରୁ ଭୂ-ପୃଷ୍ଠକୁ ଗତି କରୁଥିବା ଏୟାର୍ ମିସାଇଲ୍ ଡିଫେନ୍ସ୍ ସିଷ୍ଟମ୍। ଚୀନ୍ ହେଉଛି ଏହି ସିଷ୍ଟମ୍ କିଣିବାରେ ପ୍ରଥମ ବିଦେଶୀ କ୍ରେତା।
ଏସ୍-୪୦୦ ଏୟାର୍ ଡିଫେନ୍ସ୍ ସିଷ୍ଟମ୍ କିଣିବା ଲାଗି ଗତବର୍ଷ ଅକ୍ଟୋବର ମାସରେ ଭାରତ ଓ ରୁଷ୍ ମଧ୍ୟରେ ୫ ବିଲିୟନ୍ ଆମେରିକୀୟ ଡଲାର୍ର ରାଜିନାମା ସ୍ୱାକ୍ଷରିତ ହୋଇଥିଲା।