ବିଜନୌର : ‘ଆଜାଦୀ’ ସ୍ଲୋଗାନ ଦେଇ ହିଂସାକାଣ୍ଡ କରୁଥିବା ବ୍ୟକ୍ତିକୁ ନିସ୍ତୁକ ପିଟିଲେ ଲୋକେ
ବିଜନୌର : ନାଗରିକତା (ସଂଶୋଧନ) ଆଇନ ପ୍ରତିବାଦରେ ଗତ କିଛି ଦିନ ଧରି ଦେଶର ବିଭିନ୍ନ ସହରରେ ବିରୋଧ ପ୍ରଦର୍ଶନ ଜାରି ରହିଛି । ତେବେ ଏହାର ଫାଇଦା ନେଇ କେତେକ ଗୋଷ୍ଠୀ ହିଂସାକାଣ୍ଡ ଘଟାଇବାରେ ଲାଗିଛନ୍ତି । ରାଜଧାନୀ ଦିଲ୍ଲୀ ଠାରୁ ଆରମ୍ଭ କରି ଆସାମ, ପଶ୍ଚିମବଙ୍ଗ,କେରଳ, କର୍ଣ୍ଣାଟକ ପର୍ଯ୍ୟନ୍ତ ହିଂସା ବ୍ୟାପିଛି । ତେବେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି ଉତ୍ତରପ୍ରଦେଶ ।
Sambad is now on WhatsApp
Join and get latest news updates delivered to you via WhatsApp
बिजनौर में ठुल्लाजी क्रांति करते हुए आज़ादी की मांग कर रहे थे,जिन्हें पुलिस की जगह लोगों ने आज़ादी बख़्शी 😂🤣😜 pic.twitter.com/MPOCVbLeCZ
— आफरीन फातिमा 🛡️ (@Afraoo7) December 21, 2019
ରାଜ୍ୟର ବିଜନୌରରେ ପୁଲିସ ଗୁଳିରେ ୨ ଜଣ ବ୍ୟକ୍ତି ପ୍ରାଣ ହରାଇଛନ୍ତି । ତେବେ ଶନିବାରଦିନ ସହରରେ ବିକ୍ଷୋଭକାରୀମାନେ ହିଂସାକାଣ୍ଡ ଚଳାଇଥିବାବେଳେ ଜଣେ ଦଙ୍ଗାକାରୀ ସାଧାରଣ ଲୋକଙ୍କ ହାବୁଡ଼ର ପଡ଼ି ନିସ୍ତୁକ ମାଡ଼ ଖାଇଛି । ଉକ୍ତ ବ୍ୟକ୍ତି ହିସାଂକାଣ୍ଡ କରିବା ସହ ବିଭିନ୍ନ ସର୍ବସାଧାରଣ ସଂପତ୍ତି ନଷ୍ଟ କରୁଥିଲା । ଏହା ସହିତ ସେ ‘ଆଜାଦି’ ସ୍ଲୋଗାନ ଦେଉଥିଲା । ଏଥିରେ ସ୍ଥାନୀୟ ଲୋକ ଉତ୍ତ୍ୟକ୍ତ ହୋଇ ସଂପୃକ୍ତ ବ୍ୟକ୍ତି ଧରି ନିସ୍ତୁକ ମାଡ଼ ଦେଇ ଦରମରା କରିଦେଇଥିଲେ । ଛାଡ଼ିଦେବାକୁ ସେ ହାତଯୋଡ଼ି ନୋହୁରା ହେବା ପରେ ଲୋକମାନେ ତାକୁ ଛାଡ଼ିଦେଇଥିଲେ । ଏ ସଂପର୍କିତ ଏକ ଭିଡ଼ିଓ ଭାଇରାଲ ହୋଇଛି ।
ଉତ୍ତରପ୍ରଦେଶର ପୁଲିସ ଆଇଜି (ଆଇନ ଶୃଙ୍ଖଳା) ପ୍ରବୀଣ କୁମାର କହିଛନ୍ତି ଯେ ଗତ ଶନିବାରସୁଦ୍ଧା ଏହି ହିଂସାରେ ମୋଟ ୧୫ ଜଣ ବ୍ୟକ୍ତି ମୃତ୍ୟୁବରଣ କରିଛନ୍ତି । ମୃତକଙ୍କ ମଧ୍ୟରେ ଜଣ ୮ ବର୍ଷୀୟ ବାଳକ ଅନ୍ତର୍ଭୁକ୍ତ । ଏହା ସହିତ ପ୍ରାୟ ୨୬୫ ଜଣ ପୁଲିସ କର୍ମଚାରୀ ଆହତ ହୋଇଛନ୍ତି ।