ରାଜଧାନୀ ଦିଲ୍ଲୀରେ ଅଣାୟତ୍ତ ହେଉଛି ସିଏଏ ବିରୋଧୀ ଆନ୍ଦୋଳନ; ଦରିଆଗଞ୍ଜରେ ଜଳିଲା ନିଆଁ; ଆନ୍ଦୋଳନକାରୀ ଓ ପୁଲିସ୍‌ ମୁହାଁମୁହିଁ

ନୂଆଦିଲ୍ଲୀ: ନାଗରିକତା ସଂଶୋଧନ ଆଇନ୍‌କୁ ବିରୋଧ କରି ରାଜଧାନୀ ଦିଲ୍ଲୀରେ ଆରମ୍ଭ ହୋଇଥିବା ଆନ୍ଦୋଳନ ଆଜି (ଶୁକ୍ରବାର) ସନ୍ଧ୍ୟାରେ ଆଉଥରେ ଉଗ୍ର ହୋଇପଡ଼ିବା ସହ ହିଂସାତ୍ମକ ରୂପ ନେଇଛି। ଆନ୍ଦୋଳନକାରୀମାନେ ବ୍ୟାପକ ପୋଡ଼ାଜଳା କରିବା ସହ ପୁଲିସ୍‌ ବାହିନୀ ଉପରକୁ ଟେକାପଥର ମାଡ଼ କରିଛନ୍ତି। ଅନ୍ୟପକ୍ଷରେ ଆନ୍ଦୋଳନକାରୀମାନଙ୍କୁ ନିୟନ୍ତ୍ରଣକୁ ଆଣିବା ପାଇଁ ପୁଲିସ୍‌ ସେମାନଙ୍କ ଉପରକୁ ପାଣି (ଓ୍ଵାଟର କାନନ୍‌) ମାଡ଼ କରିଛି।

#WATCH Protest continues outside Delhi's Jama Masjid against #CitizenshipAmendmentAct. pic.twitter.com/i9xvjoZAFb

— ANI (@ANI) December 20, 2019

ପୁରୁଣା ଦିଲ୍ଲୀର ଦରିଆଗଞ୍ଜ ଠାରେ ଆନ୍ଦୋଳନକାରୀମାନେ କିଛି ଗାଡ଼ିରେ ନିଆଁ ଲଗାଇଦେବା ଦେବାପରେ ପୁଲିସ୍‌ ଓ ଆନ୍ଦୋଳନକାରୀମାନେ ମୁହାଁମୁହିଁ ହୋଇଛନ୍ତି।

ସେହିପରି ଆନ୍ଦୋଳନକାରୀମାନେ ଦିଲ୍ଲୀଗେଟ୍‌ ଠାରୁ ଏକ ବିଶାଳ ବିକ୍ଷୋଭ ଶୋଭାଯାତ୍ରାରେ ଇଣ୍ଡିଆ ଗେଟ୍‌ ଆଡ଼କୁ ପୁଲିସ୍‌ ସେମାନଙ୍କୁ ଅଟକାଇବାକୁ ଚେଷ୍ଟା କରିବାରୁ ଆନ୍ଦୋଳନକାରୀମାନେ ପୁଲିସ୍‌ ବାହିନୀ ଉପରକୁ ଟେକା ପଥର ମାଡ଼ କରିଥିଲେ।

Delhi: Rapid Action Force (RAF) deployed near Jafrabad metro station. pic.twitter.com/PTEW1KpLUC

— ANI (@ANI) December 20, 2019

ଆନ୍ଦୋଳନ କ୍ରମେ ଉଗ୍ର ରୂପ ନେଉଥିବା ଦେଖିବା ପରେ ୧୭ଟି ମେଟ୍ରୋ ଷ୍ଟେସନକୁ ବନ୍ଦ କରି ଦିଆଯାଇଛି।

Delhi: Protest continues at Jama Masjid against #CitizenshipAmendmentAct, Bhim Army Chief Chandrashekhar Azad also present. Delhi Police is using drones to monitor the situation. Azad had earlier been denied permission for a protest march from Jama Masjid to Jantar Mantar. pic.twitter.com/AVygYnkkic

— ANI (@ANI) December 20, 2019

ରାଜଧାନୀ ଦିଲ୍ଲୀର ଅନେକ ପ୍ରମୁଖ ରାଜପଥରେ ଯାନବାହନ ଚଳାଚଳକୁ ଦିଲ୍ଲୀ ଟ୍ରାଫିକ୍‌ ପୁଲିସ୍‌ ବନ୍ଦ ରଖିଛି।