ଆତଙ୍କବାଦୀଙ୍କ ନିରାପଦ ଆଶ୍ରୟସ୍ଥ​ଳ ପାଲଟିଛି କାନାଡା: ଭାରତ

ନୂଆଦିଲ୍ଲୀ: କାନାଡା ଆତଙ୍କବାଦୀଙ୍କ ସୁରକ୍ଷିତ ଆଶ୍ରୟସ୍ଥଳୀ ପାଲଟିଛି ବୋଲି ଗୁରୁବାର ଭାରତ କହିଛି। ମୁଁ ଭାବୁଛି ଉଗ୍ରବାଦୀ ଏବଂ ସଂଗଠିତ ଅପରାଧ ପାଇଁ ଆତଙ୍କବାଦୀଙ୍କ ସୁରକ୍ଷିତ ଆଶ୍ରୟସ୍ଥଳୀ ଭାବେ କାନାଡାର ଖ୍ୟାତି ବୃଦ୍ଧି ପାଉଛି। ମୁଁ ଭାବୁଛି ଏହା ହେଉଛି ସେହି ଦେଶ ଯାହା ନିଜର ଅନ୍ତର୍ଜାତୀୟ ମର୍ଯ୍ୟାଦା ବିଷୟରେ ଚିନ୍ତା କରିବା ଆବଶ୍ୟକ ବୋଲି ଭାରତର ବୈଦେଶିକ ମନ୍ତ୍ରାଳୟର ମୁଖପାତ୍ର ଅରିନ୍ଦମ ବାଗଚୀ କହିଛନ୍ତି ।

ଉଗ୍ରବାଦୀମାନଙ୍କୁ କାନାଡାରେ ସୁରକ୍ଷିତ ଆଶ୍ରୟସ୍ଥଳୀ ଯୋଗାଇ ଦିଆଯାଉଛି, ଆମେ ଚାହୁଁଛୁ ଯେ କାନାଡା ସରକାର ଏହା ନ କରନ୍ତୁ ଏବଂ ଆତଙ୍କବାଦ ଅଭିଯୋଗରେ ଦୋଷୀ ସାବ୍ୟସ୍ତ ହୋଇଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ କିମ୍ବା ସେମାନଙ୍କୁ ଭାରତ ପଠାନ୍ତୁ । ଗତ କିଛି ବର୍ଷ ମଧ୍ୟରେ ୨୦-୨୫ରୁ ଅଧିକ ଲୋକଙ୍କ ପ୍ରତ୍ୟର୍ପଣ କିମ୍ବା କାର୍ଯ୍ୟାନୁଷ୍ଠାନ ପାଇଁ ଆମେ କାନାଡା ସରକାରଙ୍କୁ ଅନୁରୋଧ କରିଛୁ, କିନ୍ତୁ କୌଣସି ସହାୟତା ମିଳିନାହିଁ ବୋଲି ସେ କହିଛନ୍ତି ।

କାନାଡାସ୍ଥିତ ଭାରତୀୟ ଦୂତାବାସରେ ସୁରକ୍ଷା ବୃଦ୍ଧି ସମ୍ପର୍କରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ  ଅରିନ୍ଦମ ବାଗଚୀ କହିଛନ୍ତି, ସୁରକ୍ଷା ପ୍ରଦାନ କରିବା ଆୟୋଜକ ସରକାରଙ୍କ ଦାୟିତ୍ୱ ବୋଲି ଆମେ ବିଶ୍ୱାସ କରୁଛୁ। କେତେକ ସ୍ଥାନରେ ଆମର ନିଜସ୍ୱ ସୁରକ୍ଷା ବ୍ୟବସ୍ଥା ମଧ୍ୟ ରହିଛି। କିନ୍ତୁ ଏହା ଉପରେ ସାର୍ବଜନୀନ ଆଲୋଚନା ନ କରିବା ଠିକ୍ ନୁହେଁ। କାନାଡାର କୂଟନୀତିଜ୍ଞଙ୍କ ପ୍ରତି ବିପଦ ସମ୍ପର୍କରେ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି, ଆମେ ଆମର ଦାୟିତ୍ୱକୁ ଗମ୍ଭୀରତାର ସହ ନେଉଛୁ। ଆମେ ନିଶ୍ଚିତ ଭାବେ ଭାରତରେ ଥିବା ବିଦେଶୀ କୂଟନୀତିଜ୍ଞମାନଙ୍କୁ ସବୁ ପ୍ରକାର ସୁରକ୍ଷା ପ୍ରଦାନ କରିବୁ। କାନାଡାରେ ଥିବା ଆମର କୂଟନୀତିଜ୍ଞଙ୍କ ପ୍ରତି ମଧ୍ୟ ସମାନ ସମ୍ବେଦନଶୀଳତା ପ୍ରଦର୍ଶନ କରିବ ବୋଲି ଆମେ ଆଶା କରୁଛୁ।