କରୋନା ସଂକ୍ରମଣ ରୋକିବାରେ ସଫଳ ହେବ କି ଗଞ୍ଜେଇ? ଆମେରିକାରୁ ଆସିଲା ଆଶ୍ଚର୍ଯ୍ୟଜନକ ତଥ୍ୟ
ନୂଆଦିଲ୍ଲୀ: କରୋନା ମହାମାରୀକୁ ନେଇ ଆଜି ସମଗ୍ର ବିଶ୍ୱରେ ଚିନ୍ତା ବଢିଛି | ଏହି ଭୂତାଣୁକୁ କିଭଳି ମୁକାବିଲା କରିହେବ ସେ ନେଇ ଅନୁସନ୍ଧାନ ଜାରି ରହିଛି | ତେବେ ବର୍ତ୍ତମାନ ଏମିତି ଏକ ଗବେଷଣାର ତଥ୍ୟ ସାମ୍ନାକୁ ଆସିଛି ଯାହାକି ନୂତନ ଆଶା ସଞ୍ଚାର କରିଛି | ବର୍ତ୍ତମାନ ଆମେରିକୀୟ ଅନୁସନ୍ଧାନକାରୀମାନେ ଏକ ଅନୁସନ୍ଧାନ କରିଛନ୍ତି ଯେଉଁଥିରେ ଜଣାପଡିଛି ଯେ ଭାଙ୍ଗ ବା ଗଞ୍ଜେଇ, କରୋନାକୁ ଶରୀରରେ ପ୍ରବେଶକୁ ରୋକିପାରେ। ଆମେରିକୀୟ ଅନୁସନ୍ଧାନକାରୀମାନେ ଏକ ଅନୁସନ୍ଧାନ ବିଷୟରେ ଉଲ୍ଲେଖ କରିଛନ୍ତି ଯାହା ଜର୍ଣ୍ଣାଲ ଅଫ୍ ନ୍ୟାଚୁରାଲ ପ୍ରଡକ୍ଟରେ ପ୍ରକାଶିତ ହୋଇଛି | ଏହି ଅନୁସନ୍ଧାନର ଶୀର୍ଷକ ରଖାଯାଇଛି ‘କାନାବିନଏଡସ୍ ବ୍ଲକ ସେଲୁଲାର୍ ଏଣ୍ଟ୍ରି ଅଫ କୋଭିଡ ଆଣ୍ଡ ଦି ଏମରଜିଙ୍ଗ ଭାରିଆଣ୍ଟସ’ |
Sambad is now on WhatsApp
Join and get latest news updates delivered to you via WhatsApp
ଓରେଗନ୍ ଷ୍ଟେଟ୍ ୟୁନିଭରସିଟିର ଵୈଜ୍ଞାନିକମାନେ ରାସାୟନିକ ସ୍କ୍ରିନିଂ କୌଶଳ ବ୍ୟବହାର କରିଛନ୍ତି | ଏଥିରେ ଏମିତି ଏକ ଗଞ୍ଜେଇ ଉପାଦାନ ଚିହ୍ନଟ ହୋଇଛି ଯାହାର ବୈଜ୍ଞାନିକ ନାମ ହେଉଛି କାନାବିସ୍ ସାଟିଭା | ଏହା ଶରୀରରେ କରୋନା ଭୂତାଣୁ ପ୍ରବେଶକୁ ରୋକିଥାଏ | ଅନୁସନ୍ଧାନକାରୀ ରିଚାର୍ଡ ବେନ୍ ବ୍ରେମାନ କହିଛନ୍ତି ଯେ ହେମ୍ପ ଫାଇବରର ଏକ ଉତ୍କୃଷ୍ଟ ଉତ୍ସ | ଏହା ମାନବ ଖାଦ୍ୟ ଏବଂ ପଶୁ ଖାଦ୍ୟରେ ମଧ୍ୟ ମିଳିଥାଏ | ତେବେ କାନାବିନଏଡ୍ ଏସିଡ୍ ମାଧ୍ୟମରେ କୋଭିଡର ସ୍ପାଇକ୍ ପ୍ରୋଟିନ୍ ବାନ୍ଧିହୋଇଯାଏ | ଯେଉଁଥିପାଇଁ କରୋନା ଭୂତାଣୁ ବିସ୍ତାର ପ୍ରକ୍ରିୟା ବାଧାପ୍ରାପ୍ତ ହୁଏ ଏବଂ ସଂକ୍ରମଣ ବଢେନାହିଁ | ସୂଚନା ଥାଉ କି କ୍ୟାନାବିଗେରୋଲିକ୍ ଏସିଡ୍ ବା ସିବିଜିଏ ଏବଂ କାନାବିଡିଓଲିକ୍ ଏସିଡ୍ ବା ସିବିଡିଏ ଏକ ସ୍ପାଇକ୍ ପ୍ରୋଟିନ୍ ଯାହାର ବ୍ୟବହାର କୋଭିଡ ଟିକାରେ ମଧ୍ୟ ବ୍ୟବହୃତ ହୁଏ | ଶରୀରରେ ରୋଗ ପ୍ରତିରୋଧକ ଶକ୍ତି ବଢାଇବାକୁ ଓ ଆଣ୍ଟିବଡି ପାଇଁ ଏହି ପ୍ରୋଟିନ ବ୍ୟବହାର କରାଯାଏ |
ଏହା ଜାଣିବା ଉଚିତ ଯେ କୌଣସି ରୋଗ କିମ୍ବା ସଂକ୍ରମଣକୁ ରୋକିବା ଏବଂ ଉପଶମ କରିବା ପାଇଁ ଔଷଧ ହେଉଛି ଏକ ଗୁରୁତ୍ୱପୂର୍ଣ୍ଣ ମାଧ୍ୟମ | ଔଷଧ ହିଁ ଭୂତାଣୁ ବିସ୍ତାରକୁ ରୋକିପାରେ। ଅନୁସନ୍ଧାନକାରୀ ରିଚାର୍ଡ ବେନ୍ ବ୍ରେମାନ କହିଛନ୍ତି ଯେ କାନାବିନଏଡ୍ ଏସିଡ୍ ଗଞ୍ଜେଇ ଗଛରୁ ମିଳୁଥିବା ଅନେକ ଉପାଦାନରେ ଥାଏ | ଏଥି ସହିତ, ବୈଜ୍ଞାନିକମାନେ ଏହା ମଧ୍ୟ ଜାଣିବାକୁ ପାଇଲେ ଯେ କୋଭିଡର ଆଲଫା ଭାରିଆଣ୍ଟ ଏବଂ ବିଟା ଭାରିଆଣ୍ଟରେ ଗଞ୍ଜେଇ ଉପାଦାନ କରୋନାକୁ ରୋକିବାରେ କାନାବିଗେରୋଲିକ୍ ଏସିଡ୍ ଏବଂ କାନାବିଡିଓଲିକ୍ ଏସିଡ୍ କେତେ ପ୍ରଭାବଶାଳୀ ତାହା ଜାଣିବା ପାଇଁ ଏହା ଲ୍ୟାବରେ ପରୀକ୍ଷା କରାଯାଇଛି | ଏହି ପରୀକ୍ଷଣରେ, ଏହା ଜଣାପଡିଛି ଯେ ଏହି ଦୁଇଟି ଏସିଡ୍ କରୋନା ଭୂତାଣୁର ସ୍ପାଇକ୍ ପ୍ରୋଟିନ୍ ମାନବ ଏପିଥେଲିଆଲ୍ କୋଷରେ କରୋନା ଭାଇରସର ସ୍ପାଇକ ପ୍ରୋଟିନ ପ୍ରବେଶ କରିବାରେ ରୋକିଥାଏ |