କେବଳ ହାଜତ ଜେରା ଅନାବଶ୍ୟକ ଯୋଗୁ ଆଗୁଆ ଜାମିନ ମିଳିପାରିବ ନାହିଁ: ସୁପ୍ରିମ୍କୋର୍ଟ
ନୂଆଦିଲ୍ଲୀ: ହାଜତରେ ଜେରା କରାଯିବାର ଆବଶ୍ୟକତା ନ ଥିବା ଯୁକ୍ତିରେ ହାଇକୋର୍ଟଗୁଡ଼ିକ ଆଗୁଆ ଜାମିନ ମଞ୍ଜୁର କରୁଥିବାରୁ ଗୁରୁବାର ସୁପ୍ରିମ୍କୋର୍ଟ ଏହାକୁ ନାପସନ୍ଦ କରିଛନ୍ତି। ଜଷ୍ଟିସ୍ ସୂର୍ଯ୍ୟକାନ୍ତ ଓ ଜଷ୍ଟିସ୍ ଜେବି ପାର୍ଦିୱାଲାଙ୍କ ଖଣ୍ଡପୀଠ କହିଛନ୍ତି ଯେ, କେବଳ ହାଜତ ଜେରା ଅନାବଶ୍ୟକ ଯୋଗୁ ଆଗୁଆ ଜାମିନ ମିଳିପାରିବ ନାହିଁ। କୋର୍ଟ କହିଛନ୍ତି, ଅଧିକାଂଶ କ୍ଷେତ୍ରରେ ଦେଖିବାକୁ ମିଳୁଛି ଯେ ଆଗୁଆ ଜାମିନ ପାଇଁ ଯେଉଁ ଯୁକ୍ତି କରାଯାଉଛି, ସେଥିରେ ଗୋଟିଏ ହିଁ କାରଣ ଦର୍ଶାଉଛି ଯେ ହାଜତ ଜେରାର ଆବଶ୍ୟକତା ନାହିଁ।
Sambad is now on WhatsApp
Join and get latest news updates delivered to you via WhatsApp
ତାହାକୁ ଭିତ୍ତି କରି ଆଗୁଆ ଜାମିନ ବି ମିଳିଯାଉଛି, ଯାହା ଆଇନାନୁଯାୟୀ ଠିକ୍ ନୁହେଁ। ଆଗୁଆ ଜାମିନ ପାଇଁ ହାଜତ ଜେରାର ଅନାବଶ୍ୟକତାକୁ ଏକ କାରଣ ଭାବେ ଗ୍ରହଣ କରାଯାଇପାରେ ମାତ୍ର ତା’ଛଡ଼ା ଅନ୍ୟ କାରଣ ଥିବା ଦରକାର। ଏମିତି ଅନେକ ମାମଲା ରହିଛି, ଯେଉଁଠି ହାଜତ ଜେରାର ଆବଶ୍ୟକତା ନାହିଁ। ମାତ୍ର ତା’ବୋଲି ଆଗୁଆ ଜାମିନ ଦେଇ ଗୁରୁତର ମାମଲାକୁ ଅଣଦେଖା କରିବା ଉଚିତ ନୁହେଁ। ଅପରାଧ କେତେ ବଡ଼ ତାକୁ ଦୃଷ୍ଟିରେ ରଖି ଜାମିନ ମଞ୍ଜୁର ବା ନାମଞ୍ଜୁର କରାଯିବା ଉଚିତ ବୋଲି କୋର୍ଟ କହିଛନ୍ତି।