ଟ୍ରମ୍ପଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଲାଗି ବିତର୍କ ଆରମ୍ଭ
ଓ୍ବାସିଂଟନ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୋଧରେ ମହାଭିଯୋଗ ପ୍ରସ୍ତାବର ବିତର୍କ ୟୁଏସ ପ୍ରତିନିଧି ସଭାରେ ଆରମ୍ଭ ହୋଇଛି । ଗତ ସପ୍ତାହରେ ହୋଇଥିବା କ୍ୟାପିଟଲ ହିଲ ଦଙ୍ଗା ମାମଲାରେ ଟ୍ରମ୍ପଙ୍କୁ ଦାୟୀ କରାଯାଇ ଏହି ମହାଭିଯୋଗ ଆଗତ କରାଯାଇଛି । ଟ୍ରମ୍ପ ନିଜ ରାଷ୍ଟ୍ରପତିତ୍ବ କାଳରେ ୨ୟ ଥର ପାଇଁ ମହାଭିଯୋଗର ସମ୍ମୁଖୀନ ହେଉଛନ୍ତି । ସ୍ଥାନୀୟ ସମୟ ଅପରାହ୍ଣ ୩ଟା (ଭାରତୀୟ ସମୟ ରାତି ସାଢେ ୧) ଆମେରିକା ସଂସଦର ନିମ୍ନ ସଦନରେ ଏହି ମହାଭିଯୋଗ ପ୍ରସ୍ତାବ ଉପରେ ଭୋଟିଂ ଆରମ୍ଭ ହେବ ।
Sambad is now on WhatsApp
Join and get latest news updates delivered to you via WhatsApp
ଟ୍ରମ୍ପଙ୍କ ଦଳ ରିପବ୍ଲିକାନ ଦଳର ସଦସ୍ୟମାନେ ମଧ୍ୟ ଟ୍ରମ୍ପଙ୍କୁ ହଟାଇବାକୁ ଏହି ପ୍ରସ୍ତାବ ସପକ୍ଷରେ ଭୋଟ ଦେବାର ସମ୍ଭାବନା ରହିଛି ।
ଅନ୍ୟପକ୍ଷରେ ଆମେରିକା କଂଗ୍ରେସର ଜଣେ ସଦସ୍ୟ କହିଛନ୍ତି ଯେ ଆସନ୍ତା ୨୦ ତାରିଖରେ ଜୋ ବାଇଡେନଙ୍କ ଶପଥ ଗ୍ରହଣ ଉତ୍ସବରେ ଟ୍ରମ୍ପଙ୍କ ସମର୍ଥକମାନେ ଗଣ୍ଡଗୋଳ କରିପାରନ୍ତି । ଏପରିକି ସେମାନେ ହିଂସାକାଣ୍ଡ ଘଟାଇପାରନ୍ତି ବୋଲି ସେ ଆଶଙ୍କା କରିଛନ୍ତି ।