ପାଟନା: ବିହାରର ରାଜଧାନୀ ପାଟନାରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ କାରକେଡ ଉପରକୁ ପଥର ମାଡ ହୋଇଛି | ଆଉ ଏହି ପଥର ମାଡ଼ ଫଳରେ ୩ରୁ ୪ଟି ଗାଡିର କାଚ ଭାଙ୍ଗିଯାଇଛି | ତେବେ ଏହି ସମୟରେ ମୁଖ୍ୟମନ୍ତ୍ରୀ କାରକେଡରେ ନଥିଲେ | ଏହି ଘଟଣା ସମ୍ପର୍କରେ ଅଧିକାରୀମାନେ କହିଛନ୍ତି ଯେ ପାଟନା ଜିଲ୍ଲାର ଗୌରୀଚକ ଥାନାର ସୋହଗି ଗ୍ରାମରେ ଏହା ଘଟିଛି | ଯେଉଁଠାରେ କିଛି ଅଜ୍ଞାତ ବ୍ୟକ୍ତି କାରକେଡ ଉପରକୁ ପଥର ଫିଙ୍ଗିଥିଲେ। ଏହି କାରକେଡ଼ରେ କେବଳ ମୁଖ୍ୟମନ୍ତ୍ରୀଙ୍କ ସୁରକ୍ଷାକର୍ମୀ ଥିଲେ। ବାସ୍ତବରେ ସୋମବାର ନୀତୀଶ କୁମାର ବିହାର ଜିଲ୍ଲାର ଗୟା ଗସ୍ତରେ ଯିବେ | ସେଠାରେ ମରୁଡ଼ି ପରିସ୍ଥିତିକୁ ନେଇ ଏକ ବୈଠକ କରିବେ ଏବଂ ସେଠାରେ ନିର୍ମିତ ଏକ ରବର ଡ୍ୟାମକୁ ମଧ୍ୟ ନିରୀକ୍ଷଣ କରିବେ।
Sambad is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ହେଲିକପ୍ଟର ଯୋଗେ ଗୟାକୁ ଯିବେ | କିନ୍ତୁ ହେଲିପ୍ୟାଡରୁ ଅନ୍ୟ ସ୍ଥାନକୁ ଯିବା ପାଇଁ ତାଙ୍କ କାରକେଡକୁ ପାଟନାରୁ ଗୟାକୁ ପଠାଯାଉଥିଲା। ତେବେ ଏହି ସମୟରେ ଜଣେ ଯୁବକଙ୍କୁ ହତ୍ୟା କରାଯାଇଥିବାର ପ୍ରତିବାଦ କରି ସ୍ଥାନୀୟ ଲୋକ ପାଟନା-ଗୟା ମୁଖ୍ୟ ରାସ୍ତାକୁ ଅବରୋଧ କରିଥିଲେ । ଆଉ ରାସ୍ତା ଅବରୋଧ ସମୟରେ ଗାଡ଼ିଗୁଡ଼ିକ ଯେତେବେଳେ ଯିବା ଆରମ୍ଭ କରିଥିଲେ କ୍ରୋଧିତ ଗ୍ରାମବାସୀ କାରକେଡ ଉପରକୁ ପଥର ଫିଙ୍ଗିଥିଲେ।
ସୂଚନାନୁସାରେ, ସପ୍ତାହକ ପୂର୍ବରୁ ନିଖୋଜ ଯୁବକଙ୍କ ମୃତଦେହ ଗତକାଲି ମିଳିଥିଲା। ଆଉ ଅଭିଯୁକ୍ତ ହତ୍ୟାକାରୀଙ୍କୁ ଗିରଫ ଦାବିରେ ପାଟନା-ଗୟା ମୁଖ୍ୟ ରାସ୍ତାରେ ମୃତଦେହ ରଖି ରାସ୍ତା ଅବରୋଧ କରିଥିଲେ। ଏହି ସମୟରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ କାରକେଡ ଯାଉଥିବା ଦେଖି ଗ୍ରାମବାସୀ କ୍ରୋଧିତ ହୋଇ ପଥର ଫିଙ୍ଗିବା ଆରମ୍ଭ କରିଥିଲେ।