ଚୀନ ସହ କଂଗ୍ରେସର ଚୁକ୍ତି : ସୁପ୍ରିମକୋର୍ଟରେ ସୋନିଆ ଓ ରାହୁଲଙ୍କ ବିରୁଦ୍ଧରେ ମାମଲା ରୁଜ୍ଜୁ
ନୂଆଦିଲ୍ଲୀ : କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି ଓ ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧିଙ୍କ ବିରୁଦ୍ଧରେ ଆଜି ସୁପ୍ରିମକୋର୍ଟରେ ଏକ ମାମଲା ରୁଜ୍ଜୁ ହୋଇଛି । ୨୦୦୮ରେ ସହଯୋଗ ଓ ସୂଚନା ଆଦାନପ୍ରଦାନ ପାଇଁ କଂଗ୍ରେସ ଓ ଚୀର କମ୍ୟୁନିଷ୍ଟ ପାର୍ଟି ମଧ୍ୟରେ ହୋଇଥିବା ଚୁକ୍ତି ସଂପର୍କରେ ସବିଶେଷ ତଥ୍ୟ ପାଇଁ ଏହି ମାମଲା ରୁଜ୍ଜୁ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଚୁକ୍ତି ସଂପର୍କରେ ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) କିମ୍ବା କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ପକ୍ଷରୁ ତଦନ୍ତ ଲାଗି ନିର୍ଦ୍ଦେଶ ଦିଆଯାଉ ବୋଲି ଆବେଦନକାରୀ ନିଜ ଆବେଦନରେ ଦର୍ଶାଇଛନ୍ତି । ବେଆଇନ କାର୍ଯ୍ୟକଳାପ ନିରୋଧ ଆଇନ ୧୯୬୭ ଅନୁସାରେ ଏହି ତଦନ୍ତ କରାଯାଉ ବୋଲି ସେ ନିବେଦନ କରିଛନ୍ତି ।
ଆଡଭୋକେଟ ଶଶାଙ୍କ ଶେଖର ଝା ଓ ଗୋଆ କ୍ରୋନିକ୍ଲର ସଂପାଦକ ସାଭିଓ ରୋଡ୍ରିଗସଙ୍କ ପକ୍ଷରୁ ଏହି ପିଟିସନ ଦାଏର କରାଯାଇଛି ।
ଏହି ଆବେଦନକାରୀମାନେ ଦର୍ଶାଇଛନ୍ତି ଯେ ଦେଶର ସୁରକ୍ଷା ସର୍ବୋପରି ହୋଇଥିବାବେଳେ କଂଗ୍ରେସ ଦଳ ଭାରତ ପ୍ରତି ଶତ୍ରୁ ମନୋଭାବ ରଖୁଥିବା ଚୀନର ଶାସକଦଳ କମ୍ୟୁନିଷ୍ଟ ପାର୍ଟି ଅଫ ଚାଇନା ସହ ବୁଝାମଣା କରିବା ଆଶ୍ଚର୍ଯ୍ୟଜନକ । ଉଚ୍ଚସ୍ତରୀୟ ସହଯୋଗ ଓ ସୂଚନା ଆଦାନପ୍ରଦାନ ପାଇଁ ଏହି ଏମଓୟୁ ହୋଇଥିବା କୁହାଯାଉଥିଲେ ମଧ୍ୟ କେଉଁ ପ୍ରକାରର ସୂଚନା ଦିଆନିଆ ହେଉଛି ତାହା ଦେଶବାସୀ ଜାଣିବା ଉଚିତ ବୋଲି ଆବେଦନକାରୀ ଦର୍ଶାଇଛନ୍ତି । କଂଗ୍ରେସ ଓ ଚୀନ କମ୍ୟୁନିଷ୍ଟ ପାର୍ଟି ମଧ୍ୟରେ ଅଗଷ୍ଟ ୭, ୨୦୦୮ରେ ଏହି ଏମଓୟୁ ହୋଇଥିଲା ।