ପ୍ରାତଃ ଭ୍ରମଣରେ ଯାଉଥିବା ବେଳେ ଅଜ୍ଞାତ ବ୍ୟକ୍ତିଙ୍କ ଦ୍ବାରା ଅସଦାଚରଣର ଶିକାର ହେଲେ ମହିଳା

ବେଙ୍ଗାଲୁର: ବେଙ୍ଗାଲୁରୁର ଜଣେ ମହିଳା ସକାଳୁ ସକାଳୁ ପ୍ରାତଃ ଭ୍ରମଣରେ ଯାଉଥିବା ବେଳେ ଜଣେ ଅଜ୍ଞାତ ବ୍ୟକ୍ତି ତାଙ୍କ ସହ ଅସଦାଚରଣ କରିଥିବା ଅଭିଯୋଗ ହୋଇଛି। ଅଗଷ୍ଟ ୨ ତାରିଖ ସକାଳ ପ୍ରାୟ ୫ଟାରେ ଏହି ଘଟଣା ଘଟିଛି।

ଘଟଣା ସଂପର୍କରେ ଏକ ଭିଡିଓରେ ଦର୍ଶାଯାଇଛି ଯେ ମହିଳା ଜଣକ ଘର ବାହାରେ ଠିଆ ହୋଇଥିବା ବେଳେ ଜଣେ ପୁରୁଷ ପଛରୁ ତାଙ୍କ ନିକଟକୁ ଆସିଥିଲେ। ତା’ପରେ ସେ ତାଙ୍କୁ ଗୋଡ଼ାଇ ରାସ୍ତାରେ ଧରି ପକାଇଥିବାର ନଜର ଆସିଥିଲେ।

ପୁଲିସର ସୂଚନାନୁସାରେ, ମହିଳା ରାଜସ୍ଥାନରୁ ଆସିଥିଲେ ଏବଂ ପ୍ରତିଦିନ ସକାଳେ ବୁଲିବାକୁ ବାହାରକୁ ଯାଉଥିଲେ। ସେ ତାଙ୍କର ଜଣେ ବନ୍ଧୁଙ୍କୁ ଅପେକ୍ଷା କରିଥିବା ବେଳେ ତାଙ୍କୁ ନିର୍ଯାତନା ଦିଆଯାଇଥିଲା। ଆକ୍ରମଣକାରୀ ଜଣକ ଧଳା ସାର୍ଟ ଏବଂ ପ୍ୟାଣ୍ଟ ପିନ୍ଧିଥିବାର ଭିଡିଓରେ ଦେଖିବାକୁ ମିଳଛି। ତେବେ ଘଟଣା ଘଟାଇ ସେ ତୁରନ୍ତ ଘଟଣାସ୍ଥଳରୁ ପଳାଇ ଯାଇଥିଲେ।

ପୁଲିସ କହିଛି ଯେ ଭାରତ ନ୍ୟାୟ ସଂହିତା (ବିଏନଏସ) ର ଧାରା ୭୬, ୭୮, ଏବଂ ୭୯ ଅନୁଯାୟୀ ଏହି ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଥିଲା ଏବଂ ତାଙ୍କୁ ଖୋଜିବା ଆରମ୍ଭ କରାଯାଇଛି। ସେମାନେ ଏହା ମଧ୍ୟ କହିଛନ୍ତି ଯେ ଏହି ମାମଲାରେ ମହିଳାଙ୍କ ସ୍ୱାମୀ ମାମଲା ରୁଜୁ କରିଛନ୍ତି।

ଏକ ବିବୃତିରେ ଡିସିପି ଲୋକେଶ ଜାଗାଲାସର କହିଛନ୍ତି, "ଏହି ଘଟଣାକୁ ଗୁରୁତର ସହ ନିଆଯାଉଛି ଏବଂ ମହିଳାଙ୍କ ସୁରକ୍ଷା ତଥା ନିରାପତ୍ତା ଆମର ସର୍ବୋଚ୍ଚ ପ୍ରାଥମିକତା। ଏକ ମାମଲା ପଞ୍ଜୀକୃତ ହୋଇଛି ଏବଂ ଅଭିଯୁକ୍ତକୁ ଧରାଯାଇ ଖୁବ୍ ଶୀଘ୍ର ଅନୁସନ୍ଧାନ କରାଯିବ।