ଆମନେଷ୍ଟି ଇଣ୍ଟରନ୍ୟାସନାଲ ଅଫିସରେ ସିବିଆଇ ଚଢଉ
ବାଙ୍ଗାଲୁରୁ : ମାନବାଧିକାର ଉପରେ ନଜର ରଖୁଥିବା ଅନ୍ତର୍ଜାତୀୟ ବେସରକାରୀ ସଂସ୍ଥା ଆମନେଷ୍ଟି ଇଣ୍ଟରନ୍ୟାସନାଲ ର ବାଙ୍ଗାଲୁରୁ ସ୍ଥିତି ଅଫିସ ଉପରେ ଆଜି କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ପକ୍ଷରୁ ଚଢଉ କରାଯାଇଛି । ବିଦେଶରୁ ଆସୁଥିବା ପାଣ୍ଠି ହେରଫେର ଓ ବେଆଇନ କାରବାର ଅଭିଯୋଗରେ ଏହି ଚଢଉ କରାଯାଇଛି । ବିଦେଶୀ ଅନୁଦାନ ନିୟମନ ଆଇନ (ଏଫସିଆରଏ) ଅଧିନରେ ଏହି ଚଢଉ ହୋଇଛି ବୋଲି ଜଣାପଡିଛି । ସିବିଆଇର ଚଢଉ ଏବେ ମଧ୍ୟ ଜାରି ରହିଛି ।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ଅକ୍ଟୋବରରେ ମଧ୍ୟ ବେଆଇନ ବୈଦେଶିକ ମୁଦ୍ରା କାରବାର ଅଭିଯୋଗରେ ଆମନେଷ୍ଟି ଇଣ୍ଟରନ୍ୟାସନାଲର ବାଙ୍ଗାଲୁରୁ ସ୍ଥିତ ୨ଟି ଅଫିସ ଉପରେ ଏନଫୋର୍ସମେଣ୍ଟ ଡାଇରେକ୍ଟରେଟ (ଇଡି) ପକ୍ଷରୁ ଚଢଉ କରାଯାଇଥିଲା । ଆମନେଷ୍ଟି ନିଜର ଏଫସିଆରଏ ଲାଇସେନ୍ସର ଉଲ୍ଲଙ୍ଘନ କରି ଏକ ବ୍ୟବସାୟିକ କାର୍ଯ୍ୟକଳାପ ଚଳାଇଥିଲା ବୋଲି ବୋଲି ଇଡି ଅଭିଯୋଗ କରିଥିଲା । ତିନିମାସ ତଳେ ଇଡି ଆମନେଷ୍ଟିକୁ ନୋଟିସ ଜାରି କରିଥିଲା । ଅନ୍ୟପକ୍ଷରେ ଭାରତ ସରକାର ଟାର୍ଗେଟ କରୁଛନ୍ତି ବୋଲି ଆମନେଷ୍ଟି ପୂର୍ବରୁ କହିଆସିଛି ।