ବିଦେଶୀ ଧନ ମାମଲାକୁ ନେଇ ସୁପ୍ରିମ କୋର୍ଟର ବରିଷ୍ଠ ଓକିଲ ଇନ୍ଦିରା ଜୟସିଂହଙ୍କ ଘରେ ଚଢ଼ାଉ କଲା ସିବିଆଇ
ନୂଆଦିଲ୍ଲୀ : ଗୁରୁବାର ସିବିଆଇର ଏକ ଟିମ୍ ସୁପ୍ରିମ କୋର୍ଟର ବରିଷ୍ଠ ଓକିଲ ଇନ୍ଦିରା ଜୟସିଂହ ଏବଂ ତାଙ୍କ ସ୍ୱାମୀ ଆନନ୍ଦ ଗ୍ରୋବର ରହୁଥିବା ଦିଲ୍ଲୀସ୍ଥିତ ଘରେ ତଲାସି କରିଛନ୍ତି । ବିଦେଶୀ ଯୋଗଦାନ ଅଧିନିୟମର ମାନଦଣ୍ଡକୁ ଉଲ୍ଲଂଘନ କରିଥିବାରୁ ତାଙ୍କ ଘରେ ସିବିଆଇ ଛାପା ମାରିଥିବା ଜଣା ପଡ଼ିଛି । ଏହି ମାମଲାକୁ ନେଇ ଜୟସିଂହ କହିଛନ୍ତି, ମୋତେ ଏବଂ ଆନନ୍ଦ ଗ୍ରୋବରଙ୍କୁ ଯେଉଁ ମାନବାଧିକାର କାମ ପାଇଁ ଦୋଷୀ ସାବ୍ୟସ୍ତ କରାଯାଉଛି, ସେହି କାମ ଆମେ ବର୍ଷ ବର୍ଷ ଧରି କରି ଆସୁଛୁ ।
Sambad is now on WhatsApp
Join and get latest news updates delivered to you via WhatsApp
Supreme Court advocate, Indira Jaising on CBI raid at her residence in Delhi, in connection with Foreign Contribution (Regulation) Act (FCRA) violation case: Mr Grover and I are being targeted for the human rights work that we have done over the years. pic.twitter.com/69vtrLSCaf
— ANI (@ANI) July 11, 2019
ସୂଚନା ମୁତାବକ, ମୁମ୍ବାଇରେ ଥିବା ଏନ୍ଜିଓ ଲୟର୍ସ କଲେକ୍ଟିଭ୍ ଏବଂ ଏହାର ଅଧ୍ୟକ୍ଷ ଆନନ୍ଦ ଗ୍ରୋବରଙ୍କ ବିରୋଧରେ ବିଦେଶୀ ଯୋଗଦାନ ଅଧିନିୟମ, ଅପରାଧିକ ଷଡ଼ଯନ୍ତ୍ର ଏବଂ ବିଶ୍ୱାସର ଅପରାଧିକ ଉଲ୍ଲଂଘନ କରିଥିବାରୁ ଜୁନ୍ ୧୩ରେ ମାମଲା ରୁଜୁ ହୋଇଥିଲା । ପରେ ଗୃହ ମନ୍ତ୍ରାଳୟ ପକ୍ଷରୁ ଏ ନେଇ ରିପୋର୍ଟ ମିଳିବା ପରେ ଆଜି ଛାପା ମାରିଛି ସିବିଆଇ ।