ଗତ ବର୍ଷ ଭଳି ଚଳିତ ବର୍ଷ ଜୁଲାଇରେ ହେବ ସିବିଏସ୍ଇ ବୋର୍ଡ ପରୀକ୍ଷା !
ନୂଆଦିଲ୍ଲୀ: ସିବିଏସ୍ଇ ବୋର୍ଡ ପରୀକ୍ଷା ୨୦୨୧ ରଦ୍ଦ ହେବ ନାହିଁ | କୋଭିଡ୍ ପ୍ରୋଟୋକଲ୍ ମଧ୍ୟରେ ଗତ ବର୍ଷ ଭଳି ଚଳିତ ବର୍ଷ ଜୁଲାଇରେ ଏହି ପରୀକ୍ଷା ଅନୁଷ୍ଠିତ ହେବ ବୋଲି ସୂତ୍ରରୁ ପ୍ରକାଶ | ଆଜି କେନ୍ଦ୍ର ଏବଂ ରାଜ୍ୟ ମଧ୍ୟରେ ହୋଇଥିବା ଉଚ୍ଚ ସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଥିବା ନେଇ ସୂଚନା ମିଳିଛି | କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖ୍ରିଆଲ୍ ପରୀକ୍ଷା ଫର୍ମାଟ୍ ବିଷୟରେ ଅଧିକ ସୂଚନା ଦେବା ସହ ସିବିଏସ୍ଇ ବୋର୍ଡ ପରୀକ୍ଷାର ତାରିଖ ଜୁନ୍ ୧ରେ ଘୋଷଣା କରିବେ ବୋଲି ଜଣାପଡିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ବୈଠକରେ ୧୯ଟି ପ୍ରମୁଖ ବିଷୟଗୁଡ଼ିକୁ ନେଇ ସିବିଏସ୍ଇ ବୋର୍ଡ ପରୀକ୍ଷା କରିବାର ବିକଳ୍ପ ଉପରେ ଆଲୋଚନା କରାଯାଇଥିଲା ଏବଂ ଏନେଇ ଅନେକ ରାଜ୍ୟରୁ ସମର୍ଥନ ମିଳିଥିଲା | ଅନ୍ୟାନ୍ୟ ବିଷୟର ମୂଲ୍ୟାଙ୍କନ ପାଇଁ ଭିନ୍ନ ଉପାୟ ବାହାର କରିବା ବିଷୟରେ ମଧ୍ୟ ବୈଠକରେ ଆଲୋଚନା ହୋଇଥିଲା | ବିଦ୍ୟାଳୟରେ ପ୍ରମୁଖ ବିଷୟଗୁଡ଼ିକ ପାଇଁ ୯୦ମିନିଟର କ୍ଷୁଦ୍ର ପରୀକ୍ଷା କରିବା ପାଇଁ ବୈଠକରେ ଆଲୋଚନା ହୋଇଥିବା ବେଳେ ଏନେଇ ରାଜ୍ୟକୁ ଆସନ୍ତା ସପ୍ତାହ ସୁଦ୍ଧା ନିଜର ମତାମତ ଦେବାକୁ କୁହାଯାଇଛି |
ସୂଚନା ମୁତାବକ, ଏହି ବୈଠକର ଅଧ୍ୟକ୍ଷତା କରିଥିଲେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ | ଏହା ସହ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ‘ନିଶଙ୍କ’ଙ୍କ ସମେତ ଏହି ବୈଠକରେ କେନ୍ଦ୍ର ମହିଳା ଓ ଶିଶୁ ମନ୍ତ୍ରୀ ସ୍ମୃତି ଜୁବିନ୍ ଇରାନୀ ଏବଂ କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକରଙ୍କ ଉପସ୍ଥିତ ରହିଥିଲେ | ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ଶିକ୍ଷା ମନ୍ତ୍ରୀ, ଶିକ୍ଷା ସଚିବ ଏବଂ ରାଜ୍ୟ ପରୀକ୍ଷା ବୋର୍ଡର ଚେୟାରମ୍ୟାନ୍ ତଥା ହିତାଧିକାରୀଙ୍କ ସହ ଏକ ଉଚ୍ଚ ସ୍ତରୀୟ ବୈଠକ କରାଯାଇଥିଲା |