ଜୁଲାଇ ୧୧ ଏବଂ ୧୩ରେ ପ୍ରକାଶ ପାଇବ ଦଶମ ଏବଂ ଦ୍ବାଦଶ ଶ୍ରେଣୀ ପରୀକ୍ଷା ଫଳ? ନକଲି ବିଜ୍ଞପ୍ତି ବୋଲି କହିଲା ସିବିଏସଇ
ନୂଆଦିଲ୍ଲୀ: ଆସନ୍ତା ଜୁଲାଇ ୧୧ ଏବଂ ୧୩ରେ ପ୍ରକାଶ ପାଇବ ସିବିଏସଇ ଦଶମ ଏବଂ ଦ୍ବାଦଶ ଶ୍ରେଣୀ ବୋର୍ଡ ପରୀକ୍ଷାର ଫଳାଫଳ । ଛାତ୍ର-ଛାତ୍ରୀମାନେ ଉଚ୍ଚଶିକ୍ଷା ପାଇବାକୁ ନାମ ଲେଖାଇବା ପାଇଁ ପରୀକ୍ଷା ଫଳାଫଳକୁ ଅପେକ୍ଷା କରିଥିବା ବେଳେ ଆଜି ସିବିଏସଇ ଏବଂ ମାନବ ସମ୍ବଳ ବିକାଶ ମନ୍ତ୍ରାଳୟ ମିଳିତ ଭାବରେ ଏହି ନିଷ୍ପତ୍ତି ନେଇଛନ୍ତି । କିଛି ଏଭଳି ଲେଖାଥାଇ ସିବିଏସଇ ପକ୍ଷରୁ ଜାରି କରାଯାଇଥିବା ପ୍ରେସ ବିବୃତ୍ତିଟି ନକଲି ବୋଲି ସାମ୍ନାକୁ ଆସିଛି । ସିବିଏସଇ ପକ୍ଷରୁ ଏ ନେଇ ସ୍ପଷ୍ଟୀକରଣ ଦିଆଯାଇ କୁହାଯାଇଛି ଯେ, ବୋର୍ଡ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନେଇନାହିଁ। ଫଳାଫଳ ବିଜ୍ଞପ୍ତି ନକଲି ଏବଂ ଏହାକୁ ବୋର୍ଡର ବିବୃତ୍ତି ଭାବରେ ଗ୍ରହଣ କରାଯିବା ଉଚିତ ନୁହେଁ |
Sambad is now on WhatsApp
Join and get latest news updates delivered to you via WhatsApp
Story retracted, this release is incorrect. Error regretted. pic.twitter.com/QnwoSsRj2i
— ANI (@ANI) July 9, 2020
ନକଲି ପ୍ରେସ ବିବୃତ୍ତି ଲେଖାଥିଲା ଯେ, ଆସନ୍ତା ଜୁଲାଇ ୧୧ ତାରିଖ ଅପରାହ୍ନ ୪ଟାରେ ଦ୍ବାଦଶ ଶ୍ରେଣୀ ପିଲାଙ୍କ ପରୀକ୍ଷା ଫଳାଫଳ ପ୍ରକାଶ ପାଇବା ସହ ଜୁଲାଇ ୧୩ ତାରିଖ ଅପରାହ୍ନ ୪ଟାରେ ଦଶମ ଶ୍ରେଣୀ ପରୀକ୍ଷା ଫଳାଫଳ ପ୍ରକାଶ ପାଇବ । ଏହା ସହ ଛାତ୍ର-ଛାତ୍ରୀମାନେ cbseresults.nic.in, results.nic.in ଏବଂ cbse.nic.in ୱେବସାଇଟକୁ ଯାଇ ନିଜର ପରୀକ୍ଷା ଫଳାଫଳ ପାଇ ପାରିବେ । କିନ୍ତୁ ଏବେ ପ୍ରେସ ବିବୃତ୍ତିଟି ନକଲି ବୋଲି ସିବିଏସଇ ସ୍ପଷ୍ଟ କରିଛି ।