ସିବିଏସଇ ୧୦ମ ପରୀକ୍ଷାଫଳ ପ୍ରକାଶିତ; ୫୦୦ରୁ ୪୯୯ ମାର୍କ ରଖି ୧୩ ଟପ୍ପର
ନୂଆଦିଲ୍ଲୀ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ପକ୍ଷରୁ ସୋମବାରଦିନ ୧୦ଶ୍ରେଣୀ ପରୀକ୍ଷାଫଳ ପ୍ରକାଶ ପାଇଛି । ସାରାଦେଶରେ ମୋଟ ୧୬ ଲକ୍ଷ ଛାତ୍ରଛାତ୍ରୀ ଏହି ପରୀକ୍ଷା ଦେଇଥିବାବେଳେ ସେମାନଙ୍କ ମଧ୍ୟରୁ ୯୧.୧ ପ୍ରତିଶତ ଉତ୍ତୀର୍ଣ୍ଣ ହୋଇଛନ୍ତି । ତେବେ ଫଳାଫଳ ଦୃଷ୍ଟିରୁ ଛାତ୍ରୀମାନେ ଛାତ୍ରମାନଙ୍କୁ ପଛରେ ପକେଇଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଛାତ୍ରୀମାନଙ୍କ ପାସହାର ୯୨.୪୫ ପ୍ରତିଶତ ଥିବାବେଳେ ଛାତ୍ରମାନଙ୍କ ପାସହାର ୯୦.୧୪ ପ୍ରତିଶତ ରହିଛି । ଏହି ପରୀକ୍ଷାରେ ମୋଟ ୧୩ ଜଣ ଛାତ୍ରଛାତ୍ରୀ ମୋଟ ୫୦୦ ମାର୍କରୁ ୪୯୯ ରଖି ଟପ୍ପର ହୋଇଛନ୍ତି ।
Bhavana N Sivadas from Kerala is the all India topper in CBSE Class-10th Exams with 499 marks out of 500. https://t.co/wInuOIpNH5
— ANI (@ANI) May 6, 2019
ସର୍ବଭାରତୀୟ ସ୍ତରରେ ତ୍ରିଭାନ୍ଦ୍ରମ ଜୋନର ଫଳାଫଳ ସର୍ବୋତ୍ତମ ରହିଛି । ଏହି ଜୋନର ପାସହାର ୯୯.୮୫ ପ୍ରତିଶତ ରହିଛି । ଅର୍ଥାତ ଯେତିକି ପରୀକ୍ଷା ଦେଇଥିଲେ ପ୍ରାୟ ସମସ୍ତେ ଉତ୍ତୀର୍ଣ୍ଣ ହୋଇଛି । ଚେନ୍ନାଇ ଜୋନର ପାସହାର ୯୯ ପ୍ରତିଶତ ରହିଛି । ଆଜମେର ଜୋନର ପାସ ହାର ୯୫.୮୯ ପ୍ରତିଶତ ରହିଛି ।
ଏହି ପରୀକ୍ଷା ଫଳ ଛାତ୍ରଛାତ୍ରୀମାନେ cbseresults.nic.in, cbse.nic.in କିମ୍ବା results.nic.in ଓଏବ୍ସାଇଟ୍ରେ ଦେଖିପାରୁଛନ୍ତି। ଯଦି କୌଣସି କାରଣରୁ ଏହି ସାଇଟ୍ଗୁଡ଼ିକରେ ସମସ୍ୟା ଉପୁଜେ ତେବେ ଛାତ୍ରଛାତ୍ରୀମାନେ examresults.com ଏବଂ www.indiaresults.com େଓ୍ଵବ୍ସାଇଟ୍ରେ ବି ଫଳାଫଳ ଦେଖିବପାରିବେ ବୋଲି ପୂର୍ବରୁ ପ୍ରକାଶ କରାଯାଇଥିଲା।