ଦିଲ୍ଲୀ କୋଠା ଭୁଶୁଡ଼ିବା ବେଳର ଦୃଶ୍ୟ ସିସିଟିଭିରେ କଏଦ

ନୂଆଦିଲ୍ଲୀ: ଉତ୍ତର-ପୂର୍ବ ଦିଲ୍ଲୀର ମୁସ୍ତାଫାବାଦରେ ଏକ ଚାରି ମହଲା କୋଠା ଭୁଶୁଡ଼ି ପଡ଼ିବା ଫଳରେ ପ୍ରାରମ୍ଭିକ ସମୟରେ ଚାରି ଜଣଙ୍କର ମୃତ୍ୟୁ ଘଟିଛି, ଉଦ୍ଧାରକାରୀମାନେ ଏବେ ଏହାର ଭଗ୍ନାବଶେଷ ତଳେ ଫସି ରହିଥିବା ଆଶଙ୍କା କରାଯାଉଥିବା ଲୋକଙ୍କୁ ବାହାର କରିବାକୁ ଚେଷ୍ଟା କରୁଛନ୍ତି।

ତେବେ ସେଠାରେ ଲାଗିଥିବା ଏକ ସିସିଟିଭି କ୍ୟାମେରାରେ ସେ ସମସ୍ତ ଦୃଶ୍ୟ କଏଦ ହୋଇଛି। ଫୁଟେଜରେ ହଠାତ୍ ସ୍ପାର୍କିଂ ଏବଂ ଗଳିରେ ଘନ ଧୂଳିର ମେଘ ଦେଖିବାକୁ ମିଳିଛି। ଯାହାଫଳରେ ଆଉ କିଛି କ୍ୟାମେରରେ ଦେଖାଯାଇନାହିଁ।

ଶନିବାର ସକାଳେ ଏ କୋଠା ଭୁଶୁଡ଼ି ଥିବା ବେଳେ ଅନେକ ଏବେ ବି ଭଗ୍ନାବଶେଷ ତଳେ ଫସି ରହିଥିବା ଆଶଙ୍କା ମଧ୍ୟରେ ବିଭିନ୍ନ ଉଦ୍ଧାରକାରୀ ସଂସ୍ଥା  ନିୟୋଜିତ ହୋଇଛନ୍ତି।

ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି ଯେ ଚାରି ଜଣଙ୍କର ମୃତ୍ୟୁ ହୋଇଛି, ଏବଂ ଉଦ୍ଧାରକାରୀମାନେ ଏପର୍ଯ୍ୟନ୍ତ ୧୪ ଜଣଙ୍କୁ ଉଦ୍ଧାର କରିଛନ୍ତି। ତେବେ ଆହୁରି ୮-୧୦ ଜଣ ଏବେ ବି ଫସି ରହିଥିବା ଆଶଙ୍କା କରାଯାଉଛି। ଆହତ  ଲୋକଙ୍କୁ ଜିଟିଭି ହସ୍ପିଟାଲରେ ଚିକିତ୍ସା କରାଯାଉଛି।

ଡିଭିଜନାଲ ଅଗ୍ନିଶମ ଅଧିକାରୀ ରାଜେନ୍ଦ୍ର ଅଟୱାଲ କହିଛନ୍ତି ଯେ ସେମାନେ ରାତି ପ୍ରାୟ ୨:୫୦ ସମୟରେ ଭୁଶୁଡ଼ି ପଡ଼ିବା ବିଷୟରେ ଫୋନ୍ ପାଇଥିଲେ। ଯେତେବେଳେ ଅଗ୍ନିଶମ ଅଧିକାରୀମାନେ ସେଠାରେ ପହଞ୍ଚିଲେ, ସେମାନେ ଦେଖିଲେ ଯେ ସମ୍ପୂର୍ଣ୍ଣ କୋଠା ଭୁଶୁଡ଼ି ପଡ଼ିଛି ଏବଂ କିଛି ଲୋକ ସେଥିରେ ଫସି ରହିଛନ୍ତି।