ଭାରତର ସର୍ଜିକାଲ ଷ୍ଟ୍ରାଇକ୍ ପରେ ଜମ୍ମୁ-କଶ୍ମୀରରେ ଅସ୍ତ୍ରବିରତି ଉଲ୍ଲଂଘନ କଲା ପାକିସ୍ତାନ
ଶ୍ରୀନଜର: ପୁଲଓ୍ଵାମା ଆକ୍ରମଣ ପରେ ଭାରତୀୟ ବାୟୁସେନା ପାକିସ୍ତାନକୁ କଡ଼ା ଜବାବ ଦେଇଛି। ଏହି ଆକ୍ରମଣରେ ପରେ ପାକିସ୍ତାନ ସମ୍ପୂର୍ଣ୍ଣ ଭାବେ ଦୋହଲି ଯାଇଛି। ଏହାପରେ ପାକିସ୍ତାନ କ’ଣ କରିବ କିଛି ବୁଝି ପାରୁ ନାହିଁ। ଏହି ଘଟଣା ପରେ ଜମ୍ମୁ-କଶ୍ମୀରରେ ଅସ୍ତ୍ରବିରତି ଉଲ୍ଲଂଘନ କରିଛି। ସୀମା ଆରପଟୁ ପାକିସ୍ତାନ ଅକରଣେ ଗୁଳି ଚାଳନା ଆରମ୍ଭ କରି ଦେଇଛି।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ପକ୍ଷରୁ ଜମ୍ମୁ-କଶ୍ମୀର ନିୟନ୍ତ୍ରଣ ରେଖା ନିକଟରେ ମଙ୍ଗଳବାର ସନ୍ଧ୍ୟାରେ ନୌସେରା, ରାଜୌରି ଓ ଅଖନୁର ସେକ୍ଟରରେ ଅସ୍ତ୍ରବିରତି ଉଲ୍ଲଂଘନ କରିଛି। କେବଳ ଏତିକି ନୁହେଁ, ପାକିସ୍ତାନ ସେନା ମେନ୍ଧର ଓ ପୁଞ୍ଚର କୃଷ୍ଣା ଘାଟି ସେକ୍ଟରରେ ବି ଗୁଳି ଚାଳନା ଆରମ୍ଭ କରିଛି। ପାକିସ୍ତାନ ରେଞ୍ଜର୍ସର ଏହି ଦୁଃସାହାସକୁ ଭାରତୀୟ ସେନାର ଯବାନ ବି କଡ଼ା ଜବାବ ଦେଇଛନ୍ତି।
ଭାରତୀୟ ବାୟୁସେନାର ଆକାଶ ମାର୍ଗ ଆକ୍ରମଣରେ ପାକିସ୍ତାନର ଜୈସ୍-ଇ-ମହମ୍ମଦ ସଙ୍ଗଠନର କ୍ୟାମ୍ପ ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି। ତେବେ ଏହି କ୍ୟାମ୍ପରେ ଶୋଇଥିବା ୩୦୦ରୁ ଅଧିକ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି।