୧୦ ଥର କଲ କଲେ ବି ପଶ୍ଚିମବଙ୍ଗ ମନ୍ତ୍ରୀମାନେ ଫୋନ ଉଠାନ୍ତି ନାହିଁ: କେନ୍ଦ୍ର ମନ୍ତ୍ରୀ
ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀ ପ୍ରତୀମା ଭୋମିକ ମଙ୍ଗଳବାର ଦିନ ଲୋକସଭାରେ ପଶ୍ଚିମବଙ୍ଗ ସରକାରଙ୍କ ମନ୍ତ୍ରୀଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ‘ଆମେ ୧୦ ଥର କଲ କଲେ ବି ପଶ୍ଚିମବଙ୍ଗ ମନ୍ତ୍ରୀମାନେ ଫୋନ୍ ଉଠାନ୍ତି ନାହିଁ… ଏହା ହେଉଛି ପରିସ୍ଥିତି।” ରାଜ୍ୟରେ କେନ୍ଦ୍ର ସରକାରଙ୍କ ଯୋଜନା କାର୍ଯ୍ୟକାରୀ ହେବା ସହ ଜଡିତ ଏକ ପ୍ରଶ୍ନର ଉତ୍ତରରେ ସେ ଏହା କହିଛନ୍ତି। ଆଉ ଭୌମିକଙ୍କ ସ୍ୱରରେ ତାଳ ମିଳାଇ କଂଗ୍ରେସ ନେତା ଅଧୀର ରଂଜନ ଚୌଧୁରୀ ମଧ୍ୟ ସମାନ କଥା କହିଛନ୍ତି | ସେ କହିଛନ୍ତି ଯେ ପଶ୍ଚିମବଙ୍ଗର ମନ୍ତ୍ରୀମାନେ କଲ୍ ଗ୍ରହଣ ନକରିବା ଏବଂ ଆମ କଥା ନ ଶୁଣିବା ଅଭ୍ୟାସରେ ପରିଣତ ହୋଇଛି। ରାଜ୍ୟର ଶାସକ ତୃଣମୂଳ କଂଗ୍ରେସ ସରକାରକୁ କଟାକ୍ଷ କରି ସେ ଏହି ବିବୃତ୍ତି ଦେଇଛନ୍ତି। ତେବେ କେନ୍ଦ୍ର ମନ୍ତ୍ରୀ ଓ ଅଧୀର ରଂଜନଙ୍କ ଏହି ବିବୃତ୍ତିକୁ ନେଇ ଟିଏମସି ସଦସ୍ୟମାନେ କ୍ରୋଧିତ ହୋଇଛନ୍ତି। ସେମାନେ ଗୃହରେ ହଙ୍ଗାମା କରିଥିଲେ |
Sambad is now on WhatsApp
Join and get latest news updates delivered to you via WhatsApp
ବାସ୍ତବରେ ପଶ୍ଚିମବଙ୍ଗ ବିଜେପି ନେତା ଏସ ଏସ ଆଲୁୱାଲିଆ ପଶ୍ଚିମବଙ୍ଗରେ ପିଏମ-ଦକ୍ଷ ଯୋଜନା କାର୍ଯ୍ୟକାରୀ ନେଇ ପ୍ରଶ୍ନ ଉଠାଇଥିଲେ। ଏହି ସମସ୍ୟାର ସମାଧାନ ପାଇଁ କେନ୍ଦ୍ର ମନ୍ତ୍ରୀ ପଶ୍ଚିମବଙ୍ଗର ମନ୍ତ୍ରୀମାନଙ୍କ ସହ କଥାବାର୍ତ୍ତା କରିବେ କି ବୋଲି ସେ ପ୍ରଶ୍ନ କରିଥିଲେ। ଏହାର ଉତ୍ତରରେ ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରୀ ଭୋମିକ୍ କହିଛନ୍ତି, ‘ଯଦିଓ ଆମେ ପଶ୍ଚିମବଙ୍ଗର ମନ୍ତ୍ରୀଙ୍କୁ ୧୦ ଥର କଲ କଲେ ବି ସେମାନେ ଫୋନ ଉଠାନ୍ତି ନାହିଁ ଏବଂ ଯେଉଁମାନେ ମନ୍ତ୍ରୀଙ୍କ ସହ ଅଛନ୍ତି ସେମାନେ ମଧ୍ୟ ମୋବାଇଲ୍ ନମ୍ବର ସେୟାର କରିବାକୁ ଭୟ କରୁଛନ୍ତି।