ନୂଆଦିଲ୍ଲୀ : ଜିଏସଟିର ଲାଭ ଯେଭଳି ଉପଭୋକ୍ତାମାନଙ୍କୁ ମିଳିପାରିବ ତାହା ସୁନିଶ୍ଚିତ କରିବାପାଇଁ କେନ୍ଦ୍ର ସରକାର ସମସ୍ତ ରାଜ୍ୟକୁ ନିର୍ଦ୍ଦେଶ ଦେଇଛନ୍ତି। ଯେଉଁ ବସ୍ତୁ ଗୁଡ଼ିକର ଦର ଜିଏସଟି ଲାଗୁ ହେବାପରେ ହ୍ରାସ ପାଇଛି ତା’ର ଲାଭ ଯେପରି ଉପଭୋକ୍ତାମାନଙ୍କ ପାଖରେ ପହଞ୍ଚିବ ସେ ସମ୍ପର୍କରେ କେନ୍ଦ୍ର ଉପଭୋକ୍ତା ମନ୍ତ୍ରାଳୟ ପକ୍ଷରୁ ରାଜ୍ୟମାନଙ୍କୁ କୁହାଯାଇଛି। ଜିଏସଟି ଲାଗୁହେବାର ୩ ମାସ ବିତିଯିବା ପରେ ମଧ୍ୟ ଦର ହ୍ରାସ ହେବାର ଫାଇଦା ଉପଭୋକ୍ତାମାନଙ୍କ ପାଖରେ ପହଞ୍ଚିପାରୁନାହିଁ। ଅନେକ ସ୍ଥାନରେ ଏମଆରପି ଉପରେ ମଧ୍ୟ ଜିଏସଟି ଆଦାୟ କରାଯିବାର ଅଭିଯୋଗ ଆସୁଛି।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ଖାଉଟି ମନ୍ତ୍ରାଳୟ ପକ୍ଷରୁ ଏନେଇ ରାଜ୍ୟମାନଙ୍କୁ ବ୍ୟାପକ ଯାଞ୍ଚ କରିବାପାଇଁ ମଧ୍ୟ କୁହାଯାଇଛି। ଉପଭୋକ୍ତାମାନଙ୍କ ଅଭିଯୋଗ ଆସିବାପରେ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରିବାପାଇଁ ରାଜ୍ୟମାନଙ୍କୁ କୁହାଯାଇଛି। ଯଦି ଅଭିଯୋଗ ସତ୍ୟ ବୋଲି ଜଣାପଡ଼େ ତେବେ ସମ୍ପୃକ୍ତ ଏଜେନ୍ସିମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ କୁହାଯାଇଛି। ଉଲ୍ଲେଖଯୋଗ୍ୟ ଜିଏସଟି ଲାଗୁ ହେବାପରେ ଦେଶର ବିଭିନ୍ନ ରାଜ୍ୟରେ ପାଖାପାଖି ୫୦୦ରୁ ଅଧିକ ଅଭିଯୋଗ ଆସିଥିଲା।