ନୂଆ ଥାନା ନିର୍ମାଣ ସହ ପୁଲିସ ଫୋର୍ସର ଆଧୁନିକୀକରଣ ପାଇଁ ଓଡ଼ିଶାକୁ ୧୪ କୋଟି ଟଙ୍କା ଦେଲା କେନ୍ଦ୍ର
ନୂଆଦିଲ୍ଲୀ: ପୁଲିସ୍ ଫୋର୍ସର ଆଧୁନିକୀକରଣ, ପୁଲିସ୍ ଷ୍ଟେସନ୍ ନିର୍ମାଣ ଏବଂ ଅନ୍ୟାନ୍ୟ ଯୋଜନା କାର୍ଯ୍ୟକାରୀ କରିବା ପାଇଁ କେନ୍ଦ୍ର ସରକାର ବିଭିନ୍ନ ରାଜ୍ୟକୁ ୧୨୬.୭ କୋଟି ଟଙ୍କା ସହାୟତା ପ୍ରଦାନ କରିଛନ୍ତି। କେନ୍ଦ୍ର ଗୃହ ମନ୍ତ୍ରାଳୟର ଅଧିକାରୀମାନେ ମଙ୍ଗଳବାର ଏହି ସୂଚନା ଦେଇଛନ୍ତି। କେନ୍ଦ୍ର ଗୃହ ମନ୍ତ୍ରାଳୟର ସୁରକ୍ଷା ସମ୍ବନ୍ଧୀୟ ଖର୍ଚ୍ଚ (SRE) ଯୋଜନା ଅଧୀନରେ ଛତିଶଗଡକୁ ୨୨.୫୯ କୋଟି ଟଙ୍କା, ଝାଡଖଣ୍ଡକୁ ୨.୬୩ କୋଟି ଟଙ୍କା ଏବଂ ଓଡିଶାକୁ ୧୪.୭୬ କୋଟି ଟଙ୍କା ସହାୟତା ପ୍ରଦାନ କରାଯାଇଛି। ସେହିପରି ଗୃହ ମନ୍ତ୍ରାଳୟ ଦ୍ୱାରା ମହାରାଷ୍ଟ୍ରକୁ ବିଶେଷ କେନ୍ଦ୍ରୀୟ ସହାୟତା ଯୋଜନା ଅଧୀନରେ ୭.୫ କୋଟି ଟଙ୍କା ଦିଆଯାଇଛି |
Sambad is now on WhatsApp
Join and get latest news updates delivered to you via WhatsApp
ସେହିପରି ଏହି ଯୋଜନା ଅଧୀନରେ ଝାଡ଼ଖଣ୍ଡକୁ ୮.୩୯ କୋଟି ଟଙ୍କା ଏବଂ ତେଲେଙ୍ଗାନାକୁ ୧.୬୧ କୋଟି ଟଙ୍କା ପୁଲିସ ଷ୍ଟେସନ ନିର୍ମାଣ ସମେତ ସ୍ୱତନ୍ତ୍ର ଭିତ୍ତିଭୂମି ଯୋଜନା (ଏସଆଇଏସ) ପାଇଁ ଦିଆଯାଇଛି। ସେହିପରି ପୁଲିସ ବାହିନୀର ଆଧୁନିକୀକରଣ ପାଇଁ କେନ୍ଦ୍ରୀୟ ପ୍ରାୟୋଜିତ ଯୋଜନା ଅଧୀନରେ କେନ୍ଦ୍ର ସରକାର ବିଭିନ୍ନ ରାଜ୍ୟକୁ ୬୯.୨୧୫ କୋଟି ଟଙ୍କା ପ୍ରଦାନ କରିଛନ୍ତି।
ସୂଚନାଯୋଗ୍ୟ ଯେ ମାଓବାଦ ସମସ୍ୟା ଦ୍ୱାରା ଗୁରୁତର ପ୍ରଭାବିତ ରାଜ୍ୟମାନଙ୍କୁ ଏସଆରଇ ଅଧୀନରେ ସହାୟତା ପ୍ରଦାନ କରାଯାଇଛି | ଏହା ଅଧୀନରେ କେନ୍ଦ୍ରୀୟ ରିଜର୍ଭ ବାଟାଲିୟନ ଗଠନ, କେନ୍ଦ୍ରୀୟ ପୁଲିସ ବାହିନୀ ସହ ନୂତନ ପୁଲିସ ଷ୍ଟେସନ ନିର୍ମାଣ ପାଇଁ ଅର୍ଥ ଦିଆଯାଇଛି |