କରୋନା ମହାମାରୀରେ ଭାରତରେ ୪୭ ଲକ୍ଷ ଲୋକ ମୃତ୍ୟୁବରଣ କରିଛନ୍ତି : ହୁ ; ଭାରତ ସରକାରଙ୍କ ତୀବ୍ର ବିରୋଧ
ନୂଆଦିଲ୍ଲୀ : କରୋନା ମହାମାରୀ ଯୋଗୁଁ ଭାରତରେ ପ୍ରାୟ ୪୭ ଲକ୍ଷ ଲୋକ ମୃତ୍ୟୁବରଣ କରିଥିବା ନେଇ ବିଶ୍ବ ସ୍ବାସ୍ଥ୍ୟ ସଂଗଠନ (ହୁ)ର ଅଟକଳକୁ ଖାରଜ କରିଦେଇଛି ଭାରତ । ଏହି ଅଟକଳ ପାଇଁ ହୁ ପକ୍ଷରୁ ଗ୍ରହଣ କରାଯାଇଥିବା ପଦ୍ଧତି ଉପରେ ଭାରତ ସରକାର ପ୍ରଶ୍ନ ଉଠାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗୁରୁବାରଦିନ ହୁ ପକ୍ଷରୁ ପ୍ରକାଶିତ ତଥ୍ୟ ଅନୁସାରେ ମହାମାରୀ ଯୋଗୁଁ ବିଶ୍ବରେ ପ୍ରାୟ ଦେଢ କୋଟି ଲୋକ ମୃତ୍ୟୁବରଣ କରିଛନ୍ତି । ଏହା ମଧ୍ୟରୁ କେବଳ ଭାରତର ୪୭ ଲକ୍ଷ ଅନ୍ତର୍ଭୁକ୍ତ । ଏହି ଲୋକମାନେ କରୋନା ସଂକ୍ରମିତ ହୋଇ କିମ୍ବା କରୋନା ମହାମାରୀ ଯୋଗୁଁ ସ୍ବାସ୍ଥ୍ୟ ବ୍ୟବସ୍ଥା ଉପରେ ପଡିଥିବା ଚାପ ଯୋଗୁଁ ମୃତ୍ୟୁବରଣ କରିପାରିଥାନ୍ତି ବୋଲି ହୁ ଅଟକଳ କରିଛି ।
ଏହାକୁ ବିରୋଧ କରି ଭାରତ ସରକାର କହିଛନ୍ତି ଯେ, କରୋନା ମହାମାରୀର ମୃତ୍ୟୁସଂଖ୍ୟା ସମ୍ପର୍କରେ ପ୍ରକୃତ ତଥ୍ୟ ଉପଲବ୍ଧ ଥିବାବେଳେ ଏକ ଗାଣିତିକ ମଡେଲ ବ୍ୟବହାର କରି ଏକ କାଳ୍ପନିକ ସଂଖ୍ୟା ବାହାର କରାଯିବ ଠିକ ନୁହେଁ । ଏହି ମୃତ୍ୟୁସଂଖ୍ୟା ବାହାର କରିବାକୁ ହୁ ଗ୍ରହଣ କରିଥିବା ପଦ୍ଧତି ଓ ମଡେଲର ଦକ୍ଷତା ପ୍ରଶ୍ନବାଚୀ ସୃଷ୍ଟି କରିଛି ବୋଲି ଭାରତ କହିଛି ।