କୋଭିଡ-୧୯ ରୋଗୀଙ୍କ ଚିକିତ୍ସା ପାଇଁ ହୋମିଓପ୍ୟାଥିକୁ ଅନୁମତି ଦେଇଥିବା ରିପୋର୍ଟକୁ ପ୍ରତ୍ୟାଖ୍ୟାନ କଲା ଆୟୁଷ ମନ୍ତ୍ରାଳୟ
ନୂଆଦିଲ୍ଲୀ: ସୋସିଆଲ ମିଡିଆରେ ଭାଇରଲ ହେଉଥିବା ବାର୍ତ୍ତାକୁ କେନ୍ଦ୍ର ସରକାର ରବିବାର ଦିନ ପ୍ରତ୍ୟାଖ୍ୟାନ କରିବା ସହ ଆୟୁଷ ମନ୍ତ୍ରାଳୟ କରୋନା ଭାଇରସରେ ସଂକ୍ରମିତ ଲୋକଙ୍କୁ ଚିକିତ୍ସା କରିବା ପାଇଁ ହୋହୋମିଓପ୍ୟାଥିକୁ ଅନୁମତି ଦେଇ ନଥିବା କହିଛନ୍ତି। ସରକାର ସ୍ପଷ୍ଟ କରିଛନ୍ତି ଯେ, କୋଭିଡ-୧୯ ପାଇଁ ଆୟୁଷ ହସ୍ତକ୍ଷେପର ଭୂମିକା ଆକଳନ କରିବା ପାଇଁ ମନ୍ତ୍ରାଳୟ କେବଳ ସ୍ୱଳ୍ପ ମିଆଦି ଅନୁସନ୍ଧାନ ପ୍ରସ୍ତାବ ପାଇଁ ଏକ ଯନ୍ତ୍ରକୌଶଳ ତିଆରି କରିଛି। ଆୟୁଷ ମନ୍ତ୍ରାଳୟ କୋଭିଡ -୧୯ ରୋଗୀଙ୍କ ଚିକିତ୍ସା ପାଇଁ ହୋମିଓପ୍ୟାଥିକୁ ଅନୁମତି ଦେଇନାହିଁ | ସୋସିଆଲ ମିଡିଆରେ ଭାଇରଲ ହେଉଥିବା ସମସ୍ତ ଖବର ମିଛ |
Sambad is now on WhatsApp
Join and get latest news updates delivered to you via WhatsApp
ପିଆଇବି ଫ୍ୟାକ୍ଟ ଚେକ୍ ଟ୍ୱିଟରରେ ସରକାରଙ୍କ ଦ୍ୱାରା ସେୟାର କରାଯାଇଥିବା ବିବୃତ୍ତିରେ କୁହାଯାଇଛି ଯେ, ଏପ୍ରିଲ ୨୧ , ୨୦୨୦ରେ କୋଭିଡ-୧୯ର ପ୍ରୋଫାଇଲକ୍ସିସ୍ ଏବଂ କ୍ଲିନିକାଲ୍ ମ୍ୟାନେଜମେଣ୍ଟରେ ଆୟୁଷ ଔଷଧର ପ୍ରଭାବକୁ ଆକଳନ କରିବା ପାଇଁ ମନ୍ତ୍ରାଳୟ ଏକ ସ୍ୱଳ୍ପକାଳୀନ ଅନୁସନ୍ଧାନ ପ୍ରକଳ୍ପକୁ ସମର୍ଥନ କରିବା ପାଇଁ ଏକ ଯନ୍ତ୍ରକୌଶଳ ତିଆରି କରିଥିଲା।
#PIBFactcheck
Claim : Whatsapp forwards say Ayush Ministry has permitted #Homeopaths to treat #COVID2019india patientsFact : Incorrect. Ministry has only created a mechanism for short-term research proposals to evaluate role of Ayush interventions for #covid_19 . Read below : pic.twitter.com/l4SWFilkO4
— PIB India #StayHome #StaySafe (@PIB_India) April 26, 2020
ଏଥିରେ କୁହାଯାଇଛି ଯେ, ସ୍ୱଳ୍ପ ମିଆଦି ଅନୁସନ୍ଧାନକୁ ସମର୍ଥନ କରିବା ପାଇଁ ଯନ୍ତ୍ରକୌଶଳ ତିଆରି କରାଯାଇଛି, ଯାହା ଗମ୍ଭୀର ଏବଂ ଅର୍ଥପୂର୍ଣ୍ଣ ଭାବରେ ପରିକଳ୍ପିତ ଅନୁସନ୍ଧାନ ପ୍ରକଳ୍ପଗୁଡିକୁ ସମର୍ଥନ କରିବା ପାଇଁ ଉଦ୍ଦିଷ୍ଟ | କୋଭିଡ- ୧୯ ରୋଗୀଙ୍କ ଚିକିତ୍ସା ପାଇଁ ସହଜ ଅନୁମତି ଦେବା ପାଇଁ ଏହି ପଦକ୍ଷେପ ନିଆଯାଇନାହିଁ। ବିବୃତ୍ତିରେ ଆହୁରି ମଧ୍ୟ ଦର୍ଶାଯାଇଛି ଯେ, ଗ୍ରହଣ କରାଯାଇଥିବା ଆଧୁନିକ ଅନୁସନ୍ଧାନ ଅଭ୍ୟାସ ଏବଂ ଆବଶ୍ୟକତା ଅନୁଯାୟୀ ଏହି ଯୋଜନା ସମ୍ପୂର୍ଣ୍ଣ ରୂପେ ପ୍ରସ୍ତୁତ କରାଯାଇଛି ଏବଂ କୋଭିଡ-୧୯ ମାମଲା ପରିଚାଳନାରେ ଜଡିତ ଥିବା ଡାକ୍ତରଖାନା ଏବଂ ଅନୁଷ୍ଠାନଗୁଡିକ ପାଇଁ ଏହା ଖୋଲା ଅଛି।