ରାଜ୍ୟଗୁଡ଼ିକୁ ୧୪,୧୦୩ କୋଟିର ଜିଏସଟି କ୍ଷତିପୂରଣ ପ୍ରଦାନ କଲା କେନ୍ଦ୍ର
ନୂଆଦିଲ୍ଲୀ : କେନ୍ଦ୍ର ସରକାର ଜିଏସଟି କ୍ଷତି ପୂରଣ ବାବଦରେ ରାଜ୍ୟମାନଙ୍କୁ ଦ୍ୱିତୀୟ ଦଫାରେ ଆଉ ୧୪,୧୦୩ କୋଟି ଟଙ୍କା ପ୍ରଦାନ କରିଛନ୍ତି । ଗତ ଫେବ୍ରୁଆରୀ ମାସରେ ପ୍ରଥମ ଦଫାରେ ୧୯,୯୫୦ କୋଟି ଟଙ୍କା ପ୍ରଦାନ କରାଯାଇଥିଲା । ଏହି ଦୁଇଟି ଦଫାରେ କେନ୍ଦ୍ର ସରକାର ରାଜ୍ୟମାନଙ୍କୁ ମୋଟ ୩୪,୦୫୩ କୋଟି ଟଙ୍କା ପ୍ରଦାନ କରିଛନ୍ତି । ଅକ୍ଟୋବର ଓ ନଭେମ୍ବର ମାସ ପାଇଁ ଜିଏସଟି ସେସ କ୍ଷତିପୂରଣ ବାବଦରେ ଏହି ରାଶି ପ୍ରଦାନ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଦେଶରେ କରୋନା ମହାମାରୀ ଆରମ୍ଭ ହୋଇଯାଇଥିବାରୁ ବିଭିନ୍ନ ରାଜ୍ୟ ସରକାରମାନେ ତାହାର ମୁକାବିଲା ପାଇଁ କେନ୍ଦ୍ର ନିକଟରେ ଅଧିକ ଅର୍ଥ ଦାବି କରୁଛନ୍ତି । ଜିଏସଟି କ୍ଷତିପୂରଣ ବାବଦ ବକେୟା ରାଶି ପ୍ରଦାନ ପାଇଁ ବିଭିନ୍ନ ରାଜ୍ୟ ସରକାର କେନ୍ଦ୍ର ନିକଟରେ ଦାବି କରୁଛନ୍ତି ।
ଅର୍ଥମନ୍ତ୍ରାଳୟ ସୁତ୍ରରୁ ପ୍ରକାଶ ଯେ କେନ୍ଦ୍ର ସରକାର ଡିସେମ୍ବର ଓ ଜାନୁଆରି ମାସର ବକେୟା ଜିଏସଟି ରାଶି ମଧ୍ୟ ପ୍ରଦାନ କରିବାକୁ ଚିନ୍ତା କରୁଛନ୍ତି । ସୂଚନାଯୋଗ୍ୟ ଯେ ଜିଏସଟି ଆଇନ ଅନୁସାରେ ଜିଏସଟି ଲାଗୁ ହେବାର ୫ ବର୍ଷ ମଧ୍ୟରେ ରାଜସ୍ୱ ହାନୀ ବାବଦ କ୍ଷତିପୂରଣ କେନ୍ଦ୍ର ସରକାର ରାଜ୍ୟକୁ ପ୍ରଦାନ କରିବେ ।