ନୂଆଦିଲ୍ଲୀ: ବିକ୍ଷୋଭକାରୀ କୃଷକମାନେ କୃଷି ଆଇନକୁ ନେଇ ସେମାନଙ୍କର ଆନ୍ଦୋଳନକୁ ପ୍ରତ୍ୟାହାର କରିଥିବା ନେଇ ଘୋଷଣା କରିବାର କିଛି ସମୟ ପରେ ସାମାଜିକ କର୍ମୀ ଯୋଗେନ୍ଦ୍ର ଯାଦବ ଗୁରୁବାର ଦିନ କହିଛନ୍ତି ଯେ ଆନ୍ଦୋଳନରତ ବିକ୍ଷୋଭକାରୀ କୃଷକଙ୍କ ବିରୋଧରେ ଦାଖଲ ହୋଇଥିବା ସମସ୍ତ ମାମଲାକୁ ଶୀଘ୍ର ପ୍ରତ୍ୟାହାର କରାଯିବ ବୋଲି କେନ୍ଦ୍ର ସରକାର ଆଶ୍ୱାସନା ଓ ପ୍ରତିଶ୍ରୁତି ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ଦିନ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଯୋଗେନ୍ଦ୍ର ଯାଦବ କହିଛନ୍ତି ଯେ କେନ୍ଦ୍ର ସରକାର ତାଙ୍କ ଚିଠିରେ ଆଶ୍ୱାସନା ଦେଇଛନ୍ତି ଯେ ଦିଲ୍ଲୀ ଏବଂ ଅନ୍ୟାନ୍ୟ କେନ୍ଦ୍ର ଶାସିତ ଅଞ୍ଚଳ ଓ ରାଜ୍ୟରେ କୃଷକ ଏବଂ କୃଷି ଆନ୍ଦୋଳନ ସମର୍ଥକଙ୍କ ବିରୋଧରେ ଦାଖଲ ହୋଇଥିବା ସମସ୍ତ ମାମଲାକୁ ପ୍ରତ୍ୟାହାର କରାଯିବ। କେନ୍ଦ୍ର ସରକାରଙ୍କର ଏହି ଚିଠକୁ ଦର୍ଶାଇ ଯୋଗେନ୍ଦ୍ର ଯାଦବ କହିଛନ୍ତି ଯେ କୃଷକମାନେ ସରକାରଙ୍କ ଠାରୁ ନୀତିଗତ ରାଜିନାମା ଗ୍ରହଣ କରିଛନ୍ତି ଯେ ସେମାନେ ବର୍ତ୍ତମାନର ଫସଲ କ୍ରୟ ହ୍ରାସ କରିବେ ନାହିଁ।
ସେ ଆହୁରି ମଧ୍ୟ ଉଲ୍ଲେଖ କରିଛନ୍ତି ଯେ ହରିୟାଣା ସରକାର ପ୍ରାଣ ହରାଇଥିବା କୃଷକମାନଙ୍କ ପାଇଁ କ୍ଷତିପୂରଣ ସଂଗ୍ରହ କରିବା ପାଇଁ ସଂଯୁୁକ୍ତ କିଷାନ ମୋର୍ଚ୍ଚା (ଏସକେଏମ)କୁ ଚଣ୍ଡିଗଡ଼କୁ ଡାକିଛନ୍ତି। ଯୋଗେନ୍ଦ୍ର ଯାଦବଙ୍କ ଏହି ବିବୃତ୍ତି କୃଷକ ସଂଘକୁ ସେମାନଙ୍କ ଆନ୍ଦୋଳନକୁ ବନ୍ଦ କରିବା ପାଇଁ କହିଥିବା ବେଳେ କହିଛନ୍ତି, କେନ୍ଦ୍ର ଆମ ଦାବିରେ ରାଜି ହୋଇଥିବାରୁ ସଂଯୁକ୍ତ କିଷାନ ମୋର୍ଚ୍ଚା ନେତୃତ୍ୱାଧୀନ କୃଷକ ଆନ୍ଦୋଳନ ସ୍ଥଗିତ ରଖାଯାଇଛି। ତଥାପି, ଜଣେ କୃଷକ ନେତା ଚେତାବନୀ ଦେଇଛନ୍ତି ଯେ ଯଦି ସରକାର ନିଜର ପ୍ରତିଶ୍ରୁତି ପାଳନରେ ପଛଘୁଞ୍ଚା ଦିଅନ୍ତି ତେବେ ଆମେ ଆନ୍ଦୋଳନକୁ ପୁନଃ ଆରମ୍ଭ କରିବୁ।