ନୂଆଦିଲ୍ଲୀ : ଲକଡାଉନ ସଂପର୍କରେ କେନ୍ଦ୍ର ସରକାରଙ୍କ ନୀତିକୁ ନେଇ ପ୍ରଶ୍ନ ଉଠାଇଛନ୍ତି ପଶ୍ଚିମ ବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ।
ସେ କହିଛନ୍ତି ଯେ ଲକଡାଉନକୁ ନେଇ କେନ୍ଦ୍ର ସରକାରଙ୍କ ନୀତି ଭ୍ରମାତ୍ମକ ଓ ଅସ୍ପଷ୍ଟ ରହିଛି । ଗୋଟିଏ ପଟେ କେନ୍ଦ୍ର ସରକାର ବିଭିନ୍ନ ଶିଳ୍ପ ସଂସ୍ଥା ଓ ବ୍ୟବସାୟ ପ୍ରତିଷ୍ଠାନ ଖୋଲିବାକୁ ଅନୁମତି ଦେଇଥିବାବେଳେ ଅନ୍ୟପଟେ ଲକଡାଉନକୁ ବଜାୟ ରଖିବାକୁ ଚାହୁଁଛନ୍ତି । ଯଦି ଶିଳ୍ପ ସଂସ୍ଥା ଖୋଲାଯିବ, ଲକଡାଉନ କିପରି ଚାଲିବ ବୋଲି ସେ ପ୍ରଶ୍ନ କରିଛନ୍ତି । ସେ ନିଜେ ମଧ୍ୟ ଲକଡାଉନ ସଂପ୍ରସାରଣ ସପକ୍ଷରେ ଅଛନ୍ତି, କିନ୍ତୁ ଏ ନେଇ କେନ୍ଦ୍ର ସରକାର ସ୍ଥିତି ସ୍ପଷ୍ଟ କରନ୍ତୁ ବୋଲି ସେ ଦାବି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ରାଜ୍ୟ ମୁଖ୍ୟମନ୍ତ୍ରୀମାନଙ୍କ ଭିଡିଓ କନଫରେନ୍ସିଂ ବୈଠକକୁ ନେଇ ମଧ୍ୟ ସେ ଅସନ୍ତୋଷ ବ୍ୟକ୍ତି କରିଛନ୍ତି । ସେ କହିଛନ୍ତି ଯେ ବୈଠକରେ ସବୁ ରାଜ୍ୟର ମୁଖ୍ୟମନ୍ତ୍ରୀଙ୍କୁ କହିବାକୁ ଯଥେଷ୍ଟ ସୁଯୋଗ ଦିଆଯାଇନାହିଁ । ସୁଯୋଗ ମିଳିଥିଲେ ସେ କେନ୍ଦ୍ରୀୟ ଟିମ ପ୍ରେରଣ ସମ୍ପର୍କରେ ପ୍ରଶ୍ନ କରିଥାନ୍ତେ ।