ବାଂଲାଦେଶ ପାଇଁ ଭାରତ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ବିଷୟରେ ନେତାମାନଙ୍କୁ ଜଣାଇଲେ ଜୟଶଙ୍କର

ନୂଆଦିଲ୍ଲୀ: ହିଂସାତ୍ମକ ବିରୋଧ ମଧ୍ୟରେ ଶେଖ ହସିନା ସରକାରଙ୍କ ପତନ ଏବଂ ପଡୋଶୀ ବାଂଲାଦେଶ ପ୍ରସଂଗରେ ଆଲୋଚନା ପାଇଁ ବୈଦେଶିକ ମନ୍ତ୍ରୀ ଏସ ଜୟଶଙ୍କର ଆଜି ଏକ ସର୍ବଦଳୀୟ ବୈଠକର ଅଧ୍ୟକ୍ଷତା କରିଛନ୍ତି।

ହିଂସା ପ୍ରଭାବିତ ରାଷ୍ଟ୍ରର ସୁରକ୍ଷା, ଅର୍ଥନୈତି ଏବଂ କୂଟନୈତିକ ପରିସ୍ଥିତିର ମୁକାବିଲା ପାଇଁ ଭାରତ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ବିଷୟରେ ଜୟଶଙ୍କର ସମସ୍ତ ଦଳର ନେତାମାନଙ୍କୁ ସୂଚନା ଦେଇଛନ୍ତି।

Briefed an All-Party meeting in Parliament today about the ongoing developments in Bangladesh.

Appreciate the unanimous support and understanding that was extended. pic.twitter.com/tiitk5M5zn

— Dr. S. Jaishankar (@DrSJaishankar) August 6, 2024

ବାଂଲାଦେଶ ପରିସ୍ଥିତି ସମ୍ପର୍କରେ ସରକାର ଠିକ୍ ସମୟରେ ଉପଯୁକ୍ତ ପଦକ୍ଷେପ ନେବେ ବୋଲି ଜୟଶଙ୍କର ସାଂସଦମାନଙ୍କୁ କହିଛନ୍ତି। ଜୟଶଙ୍କର ଆହୁରି ବି କହିଛନ୍ତି ଯେ ତାଙ୍କ ଭବିଷ୍ୟତ କାର୍ଯ୍ୟ ବିଷୟରେ କେନ୍ଦ୍ରକୁ ଜଣାଇବାକୁ ସେମାନେ ବର୍ତ୍ତମାନ ଦିଲ୍ଲୀରେ ଥିବା ଶେଖ ହସିନାଙ୍କୁ ସମୟ ଦେବାକୁ ଚାହୁଁଛନ୍ତି।

ଏଥିସହ ସେ କହିଛନ୍ତି ଯେ ବିକାଶଶୀଳ ପରିସ୍ଥିତି ଉପରେ ସରକାର ନଜର ରଖିଛନ୍ତି ଏବଂ ବାଂଲାଦେଶ ସେନା ସହ ଯୋଗାଯୋଗରେ ଅଛନ୍ତି। ଯାହାକି ହସିନାଙ୍କ ବହିଷ୍କାର ପରେ ମଧ୍ୟବର୍ତ୍ତୀକାଳୀନ ସରକାର ଗଠନ କରିବାକୁ ଯାଉଛି। ପଡୋଶୀ ରାଷ୍ଟ୍ରରେ ଭାରତୀୟ ନାଗରିକ ତଥା ସଂଖ୍ୟାଲଘୁ ସମ୍ପ୍ରଦାୟର ସୁରକ୍ଷାକୁ ସୁନିଶ୍ଚିତ କରିବାକୁ। ।

‌ବୈଠକରେ ଏସ ଜୟଶଙ୍କରଙ୍କ ବ୍ୟତୀତ ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ମଧ୍ୟ ଯୋଗ ଦେଇଥିଲେ।