ଚନ୍ଦ୍ରପୃଷ୍ଠର ଆଉ ଏକ ଫଟୋ ପଠାଇଲା ଚନ୍ଦ୍ରଯାନ-୨

ବାଙ୍ଗାଲୁରୁ : ଆଜି ଇସ୍ରୋ ପକ୍ଷରୁ ଚନ୍ଦ୍ରଯାନ-୨ ଦ୍ୱାରା ଉତ୍ତୋଳନ କରାଯାଇଥିବା ଚନ୍ଦ୍ରପୃଷ୍ଠର ଆଉ ଏକ ଫଟୋ ଜାରି କରାଯାଇଛି । ଏହାକୁ ଚନ୍ଦ୍ରଯାନ-୨ରେ ଲାଗିଥିବା ଶକ୍ତିଶାଳୀ ଟେରେନ ମ୍ୟାପିଂ କ୍ୟାମେରା-୨ ମାଧ୍ୟମରେ ଉତ୍ତୋଳନ କରାଯାଇଛି । ଗତ ଅଗଷ୍ଟ ୨୩ରେ ଚନ୍ଦ୍ରପୃଷ୍ଠରୁ ପ୍ରାୟ ୪୩୭୫ କିଲୋମିଟର ଉଚ୍ଚରୁ ଏହି ଫଟୋ ଉତ୍ତୋଳନ କରାଯାଇଛି ବୋଲି ଇସ୍ରୋ ପକ୍ଷରୁ ଟ୍ଵିଟ କରି ସୂଚନା ଦିଆଯାଇଛି । ଏହି ଫଟୋରେ ଜାକସନ କ୍ରେଟର, ମାକ୍‌ କ୍ରାଟର, ମିତ୍ରା କ୍ରାଟର ଓ କୋରେଲେଭ କ୍ରାଟରକୁ ଚିହ୍ନିତ କରାଯାଇଛି ।

 

#ISRO
Lunar surface imaged by Terrain Mapping Camera-2(TMC-2) of #Chandrayaan2 on August 23 at an altitude of about 4375 km showing craters such as Jackson, Mach, Korolev and Mitra (In the name of Prof. Sisir Kumar Mitra)

For more images please visit https://t.co/ElNS4qIBvh pic.twitter.com/T31bFh102v

— ISRO (@isro) August 26, 2019

ଗତ ୨୧ ତାରିଖରେ ଚନ୍ଦ୍ରଯାନ-୨ ଚନ୍ଦ୍ରର ପ୍ରଥମ ଫଟୋଚିତ୍ର ପଠାଇଥିଲା । ଚନ୍ଦ୍ରପୃଷ୍ଠରୁ ପ୍ରାୟ ୨୬୫୦ କିମି ଉଚ୍ଚରୁ ଏହି ଫଟୋ ଉଠାଇଥିଲା ଚନ୍ଦ୍ରଯାନ-୨ ।ଏହି ଚିତ୍ରରେ ମଧ୍ୟ ମାର ଓରିଏଣ୍ଟାଲ ବେସିନ ଓ ଆପୋଲୋ କ୍ରାଟର ସ୍ୱଷ୍ଟଭାବରେ ଦେଖାଯାଉଥିଲା । ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ଗତ ଜୁଲାଇ ୨୨ରେ ଚନ୍ଦ୍ରଯାନ-୨କୁ ଜିଏସଏଲଭି ମାଧ୍ୟମରେ ମହାକାଶକୁ ପ୍ରେରଣ କରିଥିଲା । ଏହା ସେପ୍ଟେମ୍ବର ୭ରେ ଚନ୍ଦ୍ରପୃଷ୍ଠରେ ଓହ୍ଲାଇବ ।