ନୂଆଦିଲ୍ଲୀ: ଭାରତର ‘ଚନ୍ଦ୍ରଯାନ-୨’ ଦ୍ୱିତୀୟ ଚନ୍ଦ୍ର ଅଭିଯାନ ଥିଲା । ‘ଚନ୍ଦ୍ରଯାନ-୧’ର ସଫଳତା ପରେ ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଂଗଠନ ବା ଇସ୍ରୋଦ୍ୱାରା ଏହି ମିଶନର ପରିକଳ୍ପନା କରାଯାଇଥିଲା ।

Advertisment

‘ଚନ୍ଦ୍ରଯାନ-୨’ ଅଭିଯାନରେ ଇସ୍ରୋକୁ ୯୫ ପ୍ରତିଶତ ସଫଳତା ମିଳିଥିଲା। ଯୋଜନା ମୁତାବକ ‘ଚନ୍ଦ୍ରଯାନ-୨’ ଚନ୍ଦ୍ରର କକ୍ଷ ପଥରେ ପହଞ୍ଚିବା ପରେ, ପ୍ରଜ୍ଞାନ ରୋଭରକୁ ନେଇ ବିକ୍ରମ ଲ୍ୟାଣ୍ଡର ଚନ୍ଦ୍ର ପୃଷ୍ଠରେ ଏକ ଅପେକ୍ଷାକୃତ ଉଚ୍ଚ ମଇଦାନରେ ଅବତରଣ କରିବାକୁ ଚେଷ୍ଟା କରିଥିଲା ।

ଚନ୍ଦ୍ର ଭୂମିପୃଷ୍ଠକୁ ଅବତରଣ କରିବାବେଳେ ବିକ୍ରମ ଲ୍ୟାଣ୍ଡରଟି ନିର୍ଦ୍ଧାରିତ କକ୍ଷପଥରୁ ବିଚ୍ୟୁତ ହୋଇଥିଲା ଏବଂ ଚନ୍ଦ୍ରପୃଷ୍ଠରୁ ୨.୧ କିଲୋମିଟର ଉଚ୍ଚତାରେ ଥିବା ସମୟରେ ଇସ୍ରୋ ସହ ସମସ୍ତ ଯୋଗାଯୋଗ ବିଛିନ୍ନ ହୋଇଯାଇଥିଲା।

ସେସମୟରେ ପାକିସ୍ତାନର ପୂର୍ବତନ ମନ୍ତ୍ରୀ ଫୱାଦ ଚୌଧରୀ ‘ଚନ୍ଦ୍ରଯାନ-୨’ର ଥଟ୍ଟା କରି ପ୍ରଧାନମନ୍ତ୍ରୀ ମୋଦୀଙ୍କୁ ଆକ୍ଷେପ କରି କହିଥିଲେ, ‘ଅଯଥାରେ ମୋଦୀ ଏଥିପାଇଁ ଟଙ୍କା ଖର୍ଚ୍ଚ କରିଛନ୍ତି, ଯାହାର କୌଣସି ଆବଶ୍ୟକତା ନଥିଲା।’  କିନ୍ତୁ ଚଳିତଥର ‘ଚନ୍ଦ୍ରଯାନ-୩’ ମିସନକୁ ନେଇ ସେ ଭୁରିଭୁରି ପ୍ରଶଂସା କରିଛନ୍ତି।

ଆଉ କହିଛନ୍ତି, ‘ଏହି ମିସନ ମାନବଜାତି ପାଇଁ ଐତିହାସିକ ମୁହୂର୍ତ୍ତ। ମୋର ପାକିସ୍ତାନର ଟେଲିଭିଜନ ଗଣମାଧ୍ୟମଙ୍କୁ ଅନୁରୋଧକୁ ଚନ୍ଦ୍ରଯାନ-୩ର ଅବତରଣକୁ ଟେଲିଭିଜନରେ ସିଧାସଳଖ ପ୍ରସାରଣ କରାଯାଉ।’

ଏହାପୂର୍ବରୁ ମନ୍ତ୍ରୀ ଚୌଧରୀ ଜୁଲାଇ ୧୪ ତାରିଖ‌ରେ ଇସ୍ରୋକୁ ଶୁଭେଚ୍ଛା ଜଣାଇଥିଲା।  ଜୁଲାଇ ୧୪ ତାରିଖରେ ଇସ୍ରୋ ମୁନ ମିସନ ଚନ୍ଦ୍ରଯାନ-୩କୁ ସଫଳତାର ସହ ଲଞ୍ଚ କରିଥିଲା।