ନୂଆଦିଲ୍ଲୀ : ଭାରତୀୟ ସେନା ‘ଅଗ୍ନିବୀର’ ନିଯୁକ୍ତି ପ୍ରକ୍ରିୟାରେ ପରିବର୍ତ୍ତନ ଘୋଷଣା କରିଛି, ଯାହା ଅଧୀନରେ ସେନାରେ ଯୋଗଦେବାକୁ ଚାହୁଁଥିବା ପ୍ରାର୍ଥୀମାନଙ୍କୁ ବର୍ତ୍ତମାନ ପ୍ରଥମେ ଅନଲାଇନ୍ ସାଧାରଣ ପ୍ରବେଶିକା ପରୀକ୍ଷା (ସିଇଇ) ନେବାକୁ ପଡିବ । ଏହା ପରେ ପ୍ରାର୍ଥୀମାନଙ୍କୁ ଶାରୀରିକ ଫିଟନେସ୍ ପରୀକ୍ଷା ଏବଂ ଡାକ୍ତରୀ ପରୀକ୍ଷା କରିବାକୁ ପଡିବ ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ପ୍ରଚଳିତ ପଦ୍ଧତି ଅନୁସାରେ ଅଗ୍ନିବୀର ନିଯୁକ୍ତି ପ୍ରକ୍ରିୟା ପାଇଁ, ପ୍ରାର୍ଥୀମାନଙ୍କୁ ପ୍ରଥମେ ଶାରୀରିକ ଫିଟନେସ୍ ପରୀକ୍ଷା ଦେବାକୁ ପଡ଼ିଥାଏ, ତା’ପରେ ଡାକ୍ତରୀ ଯାଞ୍ଚ ଏବଂ ସିଇଇ ପାଇଁ ହାଜର ହେବାକୁ ପଡ଼ୁଥିଲା | କିନ୍ତୁ ନୂଆ ନିୟମ ଅନୁସାରେ ପ୍ରଥମ ଅନଲାଇନ୍ ପରୀକ୍ଷା ହେବ ।
ପ୍ରକ୍ରିୟାରେ ପରିବର୍ତ୍ତନ ସମ୍ପର୍କରେ ସେନା ଦ୍ୱାରା ବିଭିନ୍ନ ଖବରକାଗଜରେ ବିଜ୍ଞାପନ ଦିଆଯାଇଛି। ତେବେ ଫେବୃଆରୀ ମଧ୍ୟଭାଗ ସୁଦ୍ଧା ଏ ସମ୍ପର୍କରେ ଏକ ବିଜ୍ଞପ୍ତି ଜାରି କରାଯିବ ବୋଲି ଜଣାପଡ଼ିଛି । ଗଣମାଧ୍ୟମ ସୂତ୍ରରୁ ପ୍ରକାଶ ଯେ ନିଯୁକ୍ତି ପାଇଁ ପ୍ରଥମ ଅନଲାଇନ୍ ପରୀକ୍ଷା ଏପ୍ରିଲରେ ଦେଶର ପ୍ରାୟ ୨୦୦ ସ୍ଥାନରେ ଅନୁଷ୍ଠିତ ହୋଇପାରିବ ଏବଂ ଏଥିପାଇଁ ସମସ୍ତ ପ୍ରସ୍ତୁତି ଚୂଡ଼ାନ୍ତ ହୋଇଛି ।
ଅଗ୍ନିବୀର ନିଯୁକ୍ତି ରାଲି ସମୟରେ ଦେଖାଯାଉଥିବା ପ୍ରବଳ ଗହଳିକୁ ଦୃଷ୍ଟିରେ ରଖି ନିଯୁକ୍ତି ପ୍ରକ୍ରିୟାରେ ଏପରି ପରିବର୍ତ୍ତନ କରାଯାଇଛି । ନୂଆ ବ୍ୟବସ୍ଥା ଲାଗୁ ହେବା ପରେ ଗହଳି ହ୍ରାସ ପାଇବ ଏବଂ ନିଯୁକ୍ତି ପ୍ରକ୍ରିୟା ପରିଚାଳନା କରିବା ସହଜ ହେବ ।