ଦିଲ୍ଲୀରେ ପ୍ରବଳ ବର୍ଷା ପବନ: ବିମାନ ଉଡ଼ାଣରେ ପରିବର୍ତ୍ତନ

ନୂଆଦିଲ୍ଲୀ : ଦିଲ୍ଲୀରେ ‌ସୋମବାର ସକାଳେ ଏବଂ ସନ୍ଧ୍ୟାରେ ପ୍ରବଳ ବର୍ଷା ହେବା ସହିତ ପବନ ବିମାନ ଚଳାଚଳ ବ୍ୟାହତ ହୋଇଛି। ଦିଲ୍ଲୀ ବିମାନ ବନ୍ଦରରେ ସକାଳେ ୧୯ଟି ବିମାନ ଅବତରଣ କରିପାରିନାହିଁ। ବିମାନଗୁଡ଼ିକୁ ଜୟପୁର, ଲକ୍ଷ୍ନୌ, ଇନ୍ଦୋର, ଅହମଦାବାଦ, ଅମୃତସର ଆଦି ବିମାନ ବନ୍ଦରକୁ ପଠାଇ ଦିଆଯାଇଥିଲା। ମୋଟ ୬୦ଟି ବିମାନର ଅବତରଣ ଏବଂ ଉଡ଼ାଣ ବିଳମ୍ବ ହୋଇଛି। ‌ବିଳମ୍ବିତ ସନ୍ଧ୍ୟାରେ ପୁନର୍ବାର ବର୍ଷା, ଘଡ଼ଘଡ଼ି ସହିତ ଘଣ୍ଟାପ୍ରତି ୮୦ କିମି ବେଗରୋ ପବନ ବହିବାରୁ ବିମାନ ସେବା ବ୍ୟାହତ ହୋଇଛି। ଅସୁବିଧାକୁ ଏଡ଼ାଇବା ପାଇଁ ବିମାନ ଉଡ଼ାଣ ଓ ଅବତରଣ ସ୍ଥିତି ଯାଞ୍ଚ ନିମନ୍ତେ ଯାତ୍ରୀମାନଙ୍କୁ ଏୟାର ଇଣ୍ଡିଆ, ସ୍ପାଇସଜେଟ୍, ଇଣ୍ଡିଗୋ ଏବଂ ଭିସ୍ତାରା ଏୟାରଲାଇନ୍ସ ସମେତ ଦିଲ୍ଲୀ ବିମାନ ବନ୍ଦର ପକ୍ଷରୁ ସୂଚନା ଦିଆଯାଇଥିଲା।

ସମ୍ବନ୍ଧିତ ଖବର