କ୍ୟାପଟେନଙ୍କ ପାକିସ୍ତାନୀ ମହିଳା ବନ୍ଧୁଙ୍କ ବାବଦରେ ଯାଞ୍ଚ କରିବେ ଚନ୍ନି ସରକାର
ନୂଆଦିଲ୍ଲୀ: ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜୋତ ସିଂ ସିଦ୍ଧୁଙ୍କୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ସେନା ମୁଖ୍ୟ ଜେନେରାଲ ବାଜୱାଙ୍କ ନିକଟତର ବୋଲି କହିଥିବା ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦରଙ୍କୁ ବର୍ତ୍ତମାନ ଚନ୍ନି ସରକାର ଘେରିବାକୁ ପ୍ରସ୍ତୁତ ହେଉଛନ୍ତି। ପଞ୍ଜାବର ଉପମୁଖ୍ୟମନ୍ତ୍ରୀ ସୁଖଜିନ୍ଦର ରାନ୍ଧୱା ଶୁକ୍ରବାର ଦିନ କହିଛନ୍ତି ଯେ ତାଙ୍କ ସରକାର ଅମରିନ୍ଦରଙ୍କ ପାକିସ୍ତାନୀ ବନ୍ଧୁ ଆରୁସା ଆଲାମଙ୍କ ଆଇଏସଆଇ ସହ ଲିଙ୍କ ଯାଞ୍ଚ କରିବେ।
Sambad is now on WhatsApp
Join and get latest news updates delivered to you via WhatsApp
ଆରୁସା ପାକିସ୍ତାନର ଜଣେ ପ୍ରତିରକ୍ଷା ସାମ୍ବାଦିକ। ଆରୁସା ଆଲାମ ଏବଂ ଆଇଏସଆଇ ମଧ୍ୟରେ ଥିବା ଲିଙ୍କ ସମ୍ପର୍କରେ ମନ୍ତ୍ରୀ କହିଛନ୍ତି ଯେ ତାଙ୍କ ସରକାର ଏହାର ତଦନ୍ତ କରିବେ। ସୁଖଜିନ୍ଦର କହିଛନ୍ତି ଯେ ଆମେ ଡିଜିପିଙ୍କୁ ଏହି ଘଟଣାର ଅନୁସନ୍ଧାନ କରିବାକୁ କହିବୁ। ବର୍ତ୍ତମାନ ସେ (କ୍ୟାପଟେନ) କହୁଛନ୍ତି ଯେ ଆଇଏସଆଇ ପକ୍ଷରୁ ବିପଦ ରହିଛି। ତେଣୁ ଆମେ ଆଇଏସଆଇ ସହିତ ମହିଳାଙ୍କ କନେକ୍ସନ ଯାଞ୍ଚ କରିବୁ। ” ଚନ୍ନି ସରକାର ଅମରିନ୍ଦରଙ୍କ ଉପରେ ଏମିତି ସମୟରେ ପ୍ରଶ୍ନ ଉଠାଇଛନ୍ତି ଯେଉଁ ସମୟରେ ଅମରିନ୍ଦର କ୍ରମାଗତ ଭାବେ ପଞ୍ଜାବର ସୁରକ୍ଷା ପ୍ରସଙ୍ଗ ଉଠାଉଛନ୍ତି ଏବଂ ନବଜୋତ ସିଂ ସିଦ୍ଧୁଙ୍କୁ ଦେଶର ସୁରକ୍ଷା ପ୍ରତି ବିପଦ ବୋଲି କହିଛନ୍ତି।
ଅମରିନ୍ଦର କହିଥିଲେ ଯେ ସିଦ୍ଧୁଙ୍କର ପାକିସ୍ତାନ ଏବଂ ଆଇଏସଆଇ ସହିତ ଘନିଷ୍ଠ ସମ୍ପର୍କ ରହିଛି। ନିକଟରେ କ୍ୟାପଟେନ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ଏନଏସଏ ଅଜିତ ଡୋଭାଲଙ୍କୁ ମଧ୍ୟ ଦିଲ୍ଲୀରେ ଭେଟିଥିଲେ। ନିଜକୁ କଂଗ୍ରେସରେ ଅପମାନ ଦିଆଯାଇଛି ବୋଲି କହି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିବା କ୍ୟାପଟେନ ଅମରିନ୍ଦର ସିଂ ତାଙ୍କ ନୂତନ ଦଳ ଗଠନ କରିବାକୁ ଯାଉଛନ୍ତି ବୋଲି ଘୋଷଣା କରିଥିଲେ । କ୍ୟାପଟେନ ଭାରତୀୟ ଜନତା ପାର୍ଟି (ବିଜେପି) ସହିତ ଏକ ମେଣ୍ଟ ବିଷୟରେ ମଧ୍ୟ କହିଥିଲେ । ତେବେ ଏଥିପାଇଁ କୃଷକଙ୍କ ସମସ୍ୟାର ସମାଧାନ ପାଇଁ ସେ ଏକ ସର୍ତ୍ତ ରଖିଛନ୍ତି।