ସବୁଠୁ ଶସ୍ତା ରିଚାର୍ଜ: କିଏ ଦେଉଛି ୧୦୦ ଟଙ୍କାରୁ କମରେ?

ନୂଆଦିଲ୍ଲୀ: ଦେଶର ବିଭିନ୍ନ ମୋବାଇଲ ଅପରେଟରମାନେ ଉପଭୋକ୍ତାଙ୍କୁ ଆକର୍ଷିତ କରିବା ପାଇଁ ନାନା ପ୍ରକାର ଲୋଭନୀୟ ଅଫର ଘୋଷଣା କରିଥାନ୍ତି। ୧୦୦ ଟଙ୍କାରୁ କମ୍ ରେ ରିଚାର୍ଜ ଅଫର ପ୍ରଦାନ କରୁଥିବା‌ ମୋବାଇଲ ଅପରେଟରଙ୍କ ପ୍ରତି ଉପଭୋକ୍ତାମାନେ ବେଶ୍ ଆକର୍ଷିତ ହୋଇଥାନ୍ତି।

ଏୟାରଟେଲ ଗ୍ରାହକଙ୍କୁ ୨୯ ଟଙ୍କାର ରିଚାର୍ଜ ପ୍ଲାନ ଅଫର ପ୍ରଦାନ କରିଥାଏ। ଏହି ପ୍ଲାନର ବୈଧତା ଗୋଟିଏ ଦିନ। ଏହା ଦ୍ବାରା ଉପଭୋକ୍ତାଙ୍କୁ ୨ ଜିବି ଡାଟା ମିଳିଥାଏ।
ସେହିପରି ଏୟାର ଟେଲର ୪୯ ଟଙ୍କାର ରିଚାର୍ଜ ପ୍ଲାନରେ ମଧ୍ୟ ଡାଟା ସୁବିଧା ରହିଥିବାବେଳେ ଏହା ଏକ ଦିନିକିଆ ପ୍ଲାନ।
ଅପରପକ୍ଷରେ ଏହାର ୬୫ ଟଙ୍କିଆ ପ୍ଲାନରେ ୪ଜିବିର ଡାଟା ମିଳିଥାଏ। ସେହିପରି ୧୦୦ଟଙ୍କିଆ ପ୍ଲାନରେ ୮୧.୭୫ ଟଙ୍କାର ଟକ୍ ଟାଇମ୍ ମିଳିଥାଏ।

ବିଏସଏନଏଲର ୧୦୦ ଟଙ୍କାରୁ କମ୍ ପ୍ଲାନ ମଧ୍ୟରେ ୮୭ ଟଙ୍କାର ପ୍ଲାନର ବୈଧତା ୧୪ ଦିନ ରହିଥାଏ। ଏଥିରେ ଅନଲିମିଟେଡ ଭଏସ କଲିଂ ସୁବିଧା ସହିତ ୧ଜିବି ଡାଟା ମିଳିଥାଏ।
ଏହାର ୯୭ ଟଙ୍କିଆ ପ୍ଲାନରେ ଅନଲିମିଟେଡ କଲିଂ ସହିତ ଦୈନିକ ୨ଜିବି ଡାଟା ୧୫ ଦିନ ପର୍ଯ୍ୟନ୍ତ ମିଳିଥାଏ। ଅପରପକ୍ଷରେ ୯୯ ଟଙ୍କାର ରିଚାର୍ଜ ପ୍ଲାନରେ ଅନଲିମିଟେଡ ଭଏସ କଲିଂ ୧୭ ଦିନ ପାଇଁ ମିଳିଥାଏ।

ରିଲାଏନ୍ସ ଜିଓର ୧୦୦ ଟଙ୍କାରୁ କମ୍ ପ୍ଲାନ ମଧ୍ୟରେ ୨୬ ଟଙ୍କାର ରିଚାର୍ଜ ପ୍ଲାନ ରହିଛି। ଏଥିରେ ୫ଜି ଡାଟା ସୁବିଧା ମିଳିଥାଏ। ଏଥିରେ ଦୈନିକ ୨ ଜିବି ଡାଟା ମିଳିଥାଏ। ଡାଟା ଶେଷ ହେବା ପରେ ୬୪ କେବିପିଏସରେ ଇଣ୍ଟରନେଟ ଚଳାଇବାର ସୁବିଧା ଗ୍ରାହକଙ୍କୁ ମିଳିଥାଏ। ଏହାର ବୈଧତା ୨୮ ଦିନ ରହିଛି। ତେବେ କେବଳ ଜିଓକମ୍ ୟୁଜର ଏହି ସୁବିଧା ନେଇ ପାରିବେ।
ଏହାର ୯୧ ଟଙ୍କିଆ ରିଚାର୍ଜରେ ୫ଜି ସୁବିଧା ସହିତ ଦିନକୁ ୩ ଜିବି ଡାଟା ଅନ ଲିମିଟେଡ କଲ, ୫୦ ଏସଏମଏସ ଏବଂ ଡାଟା ଶେଷ ହେବା ପରେ ୬୪ କେବିପିଏସରେ ଇଣ୍ଟରନେଟ ଚଳାଇବାର ସୁବିଧା ଗ୍ରାହକଙ୍କୁ ମିଳିଥାଏ। ଏହାର ବୈଧତା ୨୮ ଦିନ ରହିଛି। ତେବେ କେବଳ ଜିଓକମ୍ ୟୁଜର ଏହି ସୁବିଧା ନେଇ ପାରିଥାନ୍ତି।
ସେହିପରି ୬୨ ଟଙ୍କାର ରିଚାର୍ଜ ପ୍ଲାନରେ ଦୈନିକ ୬ଜିବି ୫ଜି ଡାଟା ସୁବିଧା ମିଳିଥାଏ। ଏହାର ବୈଧତା ୨୮ ଦିନ ରହିଛି। ଜିଓକମ୍ ଗ୍ରାହକ ଏହି ସୁବିଧା ନେଇ ପାରିଥାନ୍ତି।
ରିଲାଏନ୍ସର ୭୨ ଟଙ୍କିଆ ରିଚାର୍ଜ ପ୍ଲାନରେ ଦୈନିକ ୨.୫ ଜିବି ୫ଜି ଡାଟା ସୁବିଧା ମିଳିଥାଏ। ଏହାର ବୈଧତା ୨୩ ଦିନ ରହିଛି। ଜିଓକମ୍ ଗ୍ରାହକ ଏହି ସୁବିଧା ନେଇ ପାରିଥାନ୍ତି। ଏହି ପ୍ଲାନରେ ୧୪ ଓଟିଟି ସହିତ ୭୮ ଜିବି ଅତିରିକ୍ତ ଡାଟା ସୁବିଧା ମିଳିଥାଏ।

ଭିଆଇର ୧୦୦ଟଙ୍କାରୁ କମ୍ ରିଚାର୍ଜ ପ୍ଲାନ ମଧ୍ୟରେ ୩୯ ଟଙ୍କାର ଅଫର ରହିଛି। ଏହାର ବୈଧତା ୩ ଦିନ ଏବଂ ଏଥିରେ ୩ଜିବି ଡାଟା ମିଳିଥାଏ। ଏହାର ୫୭ ଟଙ୍କିଆ ପ୍ଲାନରେ ଅନଲମିଟେଡ ନାଇଟ ଡାଟା ରାତି ୧୨ରୁ ସକାଳ ୬ ପର୍ଯ୍ୟନ୍ତ ମିଳିଥାଏ। ଏହାର ୫୮ ଟଙ୍କିଆ ପ୍ଲାନରେ ୩ ଜିବି ଡାଟା ୨୮ ଦିନ ପାଇଁ ମିଳିଥାଏ। ଭିଆଇର ୮୨ ଟଙ୍କିଆ ପ୍ଲାନରେ ଡିଜନି ପ୍ଲସ ହଟ ମୋବାଇଲ ସବସ୍କ୍ରିପସନ ସହିତ ୪ ଜିବି ଡାଟା ସୁବିଧା ୧୪ ଦିନ ପର୍ଯ୍ୟନ୍ତ ମିଳିଥାଏ।