ମିଛ ଦୁଷ୍କର୍ମ ଅଭିଯୋଗ ଆଣି ସ୍ୱାମୀଙ୍କୁ ଲୁଟୁଥିବା ସ୍ତ୍ରୀ ନାମରେ ଏତଲା ଦେଲେ ଚତୁର୍ଥ ସ୍ୱାମୀ
ନାଗପୁର: ପ୍ରଥମେ ପ୍ରେମ ଜାଲରେ ଫସାଉଥିଲେ ଓ ଏହା ପରେ ବିବାହ କରି ସ୍ୱାମୀଙ୍କୁ ଲୁଟୁଥିଲେ | ସ୍ୱାମୀଙ୍କ ନାମରେ ଥାନାରେ ଦୁଷ୍କର୍ମର ଅଭିଯୋଗ କରି ଜବରଦସ୍ତ ଟଙ୍କା ଆଦାୟ କରୁଥିଲେ | ଏମିତିକା ଜଣେ ଠକ ପତ୍ନୀକୁ ପୁଲିସ ଗିରଫ କରିଛି | ଆଶ୍ଚର୍ଯ୍ୟର କଥା ଯେ ଚତୁର୍ଥ ସ୍ୱାମୀଙ୍କ ଅଭିଯୋଗ ପାଇବା ପରେ ପୁଲିସ ଏବାବଦରେ ଜାଣିପାରିଛି | ମହାରାଷ୍ଟ୍ରର ନାଗପୁରରୁ ଏଭଳି ଏକ ମାମଲା ସାମ୍ନାକୁ ଆସିଛି | ମେଘାଳି ନାମକ ଜଣେ ମହିଳା ତାଙ୍କ ପ୍ରେମିକ ସହିତ ଲୋକଙ୍କୁ ଟାର୍ଗେଟ କରୁଥିଲେ। ପ୍ରେମ ଜାଲରେ ପଡ଼ିବା ପରେ, ସେ ବ୍ଲାକମେଲ କରିବା ପରେ ବିବାହ କରୁଥିଲେ ଏବଂ ଲକ୍ଷ ଲକ୍ଷ ଟଙ୍କା ଆଦାୟ କରିବା ପରେ ଛାଡପତ୍ର ଦେଇଦେଉଥିଲେ | ମେଘାଳି ତାଙ୍କ ପ୍ରେମିକ ମୟୂର ରାଜୁଙ୍କ ସହିତ ଏହି କାମ କରୁଥିଲେ | ଶେଷରେ, ହୁଡକୋ କଲୋନୀର ବାସିନ୍ଦା ମହେନ୍ଦ୍ର ରମେଶଲାଲ ପୁଲିସରେ ଅଭିଯୋଗ କରିବା ପରେ ଏବାବଦରେ ଜଣାପଡିଛି | ପୁଲିସର ସୂଚନା ମୁତାବକ ୨୦୦୩ ରେ ସେ ପ୍ରଥମ ଥର ପାଇଁ ବିବାହ କରିଥିଲେ |
Sambad is now on WhatsApp
Join and get latest news updates delivered to you via WhatsApp
ଏହା ପରେ, ୨୦୧୩, ୨୦୧୬ ଏବଂ ୨୦୨୧ ରେ ବିବାହ କରିଥିଲେ | ପୁଲିସର ସୂଚନାନୁସାରେ, ନାଗପୁରର କଟନ ବଜାରରେ ମହେନ୍ଦ୍ରଙ୍କର ଏକ ପନିପରିବା ଦୋକାନ ଥିଲା। ଗତ ବର୍ଷ ସେପ୍ଟେମ୍ବରରେ ମେଘାଳି ମହେନ୍ଦ୍ରଙ୍କ ଘରକୁ ଆସି ତାଙ୍କୁ ବିବାହ କରିବାକୁ ବାଧ୍ୟ କରିଥିଲେ। ଯେତେବେଳେ ସେ ବିବାହ କରିବାକୁ ମନା କରିଦେଇଥିଲେ, ମେଘାଳି ଏକ ଦୁଷ୍କର୍ମ ମାମଲା ଦାୟର କରିବେ ବୋଲି ଧମକ ଦେଇଥିଲେ। ଏହା ପରେ ମହେନ୍ଦ୍ର ତାଙ୍କୁ ବିବାହ କରିଥିଲେ | ବିବାହର ଏକ ମାସ ମଧ୍ୟରେ ମେଘାଳି ତାଙ୍କ ସ୍ୱାମୀଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଥିଲେ।
୨୭ ଦିନ ଜେଲରେ ରହିବା ପରେ ତାଙ୍କୁ ଜାମିନ ମିଳିଥିଲା। ଏହି ସମୟରେ ସେ ଧର୍ମେନ୍ଦ୍ରଙ୍କଠାରୁ ୪ ଲକ୍ଷ ଟଙ୍କା ମାଗିଥିଲେ। ଚଳିତ ବର୍ଷ ଏପ୍ରିଲରେ ସେ ପୁନର୍ବାର ଧର୍ମେନ୍ଦ୍ରଙ୍କ ବିରୋଧରେ ମାମଲା ଦାୟର କରିଥିଲେ। ଏଥର ଦୁଇ ସପ୍ତାହ ପରେ ଧର୍ମେନ୍ଦ୍ର ଜେଲରୁ ମୁକ୍ତ ହୋଇଥିଲେ। ପରେ ସେ ଜାଣିବାକୁ ପାଇଲେ ଯେ ମେଘାଳି ଏହା ପୂର୍ବରୁ ମଧ୍ୟ ତିନି ଜଣଙ୍କୁ ବିବାହ କରିଛନ୍ତି | ଏହା ପରେ ସେ ପୁଲିସ ନିକଟରେ ଅଭିଯୋଗ କରିଛନ୍ତି | ପୁଲିସ କହିଛି ଯେ ଆଇପିସିର ଧାରା ୩୮୬, ୪୨୦, ୪୯୪, ୪୯୬ ଏବଂ ୪୯୭ ଅନୁଯାୟୀ ପୁଲିସ ମେଘାଳି ଏବଂ ତାଙ୍କ ପ୍ରେମିକଙ୍କ ବିରୋଧରେ ମାମଲା ରୁଜୁ କରି ଗିରଫ କରାଯାଇଛି |