ବାୟୁସେନାର ଚେତକ ହେଲିକ୍ୟାପ୍ଟର ଗଳି ପଡ଼ିଲା
ଚେନ୍ନାଇ: ତାମିଲନାହୁରେ ଆଜି ଦିନ ପ୍ରାୟ ୧୧ଟା ବେଳେ ବାୟୁସେନାର ଏକ ହେଲକଢାପ୍ଟର ବୈଷୟିକ ତ୍ରୁଟି ଯୋଗୁଁ ଦୁର୍ଘଟଣାଗ୍ରସ୍ତ ହୋଇଛି। ତେବେ ଏଥିରେ ଥିବା ୩ ଜଣ ବୈମାନିକ ରକ୍ଷା ପାଇ ଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଚେନ୍ନାଇ ଠାରୁ ୧୦୦ କିଲୋମିଟର ଦୂର ଆର୍କୋଣାମର ଆଇଏନଏସ ରାଜାଲି ନାଭାଲ ବେସ୍ରୁ ଆଜି ସକାଳେ ବାୟୁ ସେନାର ୩ ଜଣ ପାଇଲଟ ଚେତକ ସିଏଚ୍୪୪୨ ହେଲିକ୍ୟାପ୍ଟର ନେଇ ତାଲିମ ପାଇଁ ଉଡ଼ାଣ ଆରମ୍ଭ କରିଥିଲେ। ତେବେ କିଛି ସମୟ ପରେ ହେଲିକ୍ୟାପ୍ଟର ମେନ ଓ ଟେଲ ରୋଟର କାମ କରିବା ବନ୍ଦ କରି ଦେଇଥିଲା। ହେଲିକ୍ୟାପ୍ଟରରେ ଥିବା ପାଇଲଟ୍ ମାନେ ଏହାକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ। ମାତ୍ର ହେଲିକ୍ୟାପ୍ଟରଟି ଦୃତଗତିରେ ତଳକୁ ଖସୁଥିବାର ଜାଣି ୩ ଜଣ ବୈମାନିକ ଏଥିରୁ ବେଲ ଆଉଟ ହୋଇ ଯାଇଥିଲେ। ପରେ ହେଲକ୍ୟାପ୍ଟରଟି ତଳେ ବାଡ଼େଇ ହୋଇ ଯାଇଥିଲା ବୋଲି ବାୟୁସେନା ପକ୍ଷରୁ କହାଯାଇଛି। ଦୁର୍ଘଟଣା ଯଦିଓ ରୋଟରଦ୍ୱୟ କାର୍ଯ୍ୟ ନ କରିବାରୁ ଘଟିଛି ବୋଲି କୁହାଯାଇଛି, ମାତ୍ର ବାସ୍ତବ ତଥ୍ୟ ତଦନ୍ତ ପରେ ପଦାକୁ ଆସିବ ବୋଲି କୁହାଯାଇଛି।