ମୁମ୍ବାଇ: ଛତ୍ରପତି ସମ୍ଭାଜୀନଗରର କବରାନଗର ଅଞ୍ଚଳରେ ବୁଧବାର ଏକ ଦୁଃଖଦ ଦୁର୍ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି। ମାଟିଖନନ ସମୟରେ ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ମୃତ ଶ୍ରମିକଙ୍କ ନାମ ମୁକୁନ୍ଦ ଡଗଡୁ ସାଲଭେ ଥିବା ଜଣାପଡ଼ିଛି। ଡଗଡ଼ୁଙ୍କ ମୃତ୍ୟୁ  ସମୟର ହୃଦୟ ବିଦାରକ ଦୃଶ୍ୟ ନିକଟସ୍ଥ ସିସିଟିଭି କ୍ୟାମେରାରେ କୈଦ ହୋଇଛି।

Advertisment

ସୂଚନାଯୋଗ୍ୟ,  ସାଲଭେ ଏବଂ ଅନ୍ୟ ଶ୍ରମିକମାନେ ଡ୍ରେନ୍ ପାଇଁ  ମାଟି ଖୋଳିବାରେ ନିୟୋଜିତ ଥିଲେ। ହଠାତ୍ ଡ୍ରେନ୍ କାନ୍ଥର ଏକ ଅଂଶ ସାଲଭେଙ୍କ ଉପରେ ଭୁଶୁଡ଼ି ପଡ଼ିଥିଲା । ଫଳରେ ସାଲଭେ ମାଟି ଗଦା ତଳେ ଚାପି ହୋଇ ଯାଇଥିଲେ ବାହାରିବାର ସୁଯୋଗ ପାଇ ନଥିଲେ।  

ଘଟଣା ସମ୍ପର୍କରେ ଖବର ପାଇ ପୁଲିସ ଏବଂ ଅଗ୍ନିଶମ ବିଭାଗର ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ। ପ୍ରାୟ ଏକ ଘଣ୍ଟା ପରିଶ୍ରମ ପରେ ସାଲଭେଙ୍କୁ ବାହାର କରାଇ ଯାଇଥିଲେ ହେଁ  ସେତେବେଳକୁ ତାଙ୍କର ମୃତ୍ୟୁ ହୋଇସାରିଥିଲା। ସାଲଭେଙ୍କ ମୃତ୍ୟୁ ଖବର ପାଇ ତାଙ୍କ ପରିବାରଲୋକ ଦୁଃଖରେ ଭାଙ୍ଗି ପଡ଼ିଛନ୍ତି।