ଛତିଶଗଡ଼ରେ ୨୨ ଯବାନ ସହିଦ ହେବା ଘଟଣାରେ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କୁ ଟାର୍ଗେଟ୍ କଲା ବିଜେପି 

ରାୟପୁର: ଛତିଶଗଡ଼ର ବିଜାପୁରରେ ମାଓବାଦୀମାନଙ୍କ ଅତର୍କିତ ଆକ୍ରମଣରେ ୨୨ଜଣ ଯବାନ ସହିଦ ହେବା ଘଟଣାରେ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କୁ ବିଜେପି ଟାର୍ଗେଟ୍ କରିଛି। ବିଜେପି ସାଂସଦ ଦିଲୀପ ସାଇକିଆ ଅଭିଯୋଗ କରିଛନ୍ତି, ଯେଉଁ ସମୟରେ ଛତିଶଗଡ଼ର ଅନେକ ସୁରକ୍ଷା କର୍ମୀ ପ୍ରାଣ ହରାଇଛନ୍ତି, ସେହି ସମୟରେ ମୁଖ୍ୟମନ୍ତ୍ରୀ ଭୂପେଶ ବାଘେଲ ଆସାମରେ ନିର୍ବାଚନ ପ୍ରଚାର କରିବାରେ ବ୍ୟସ୍ତ ଅଛନ୍ତି। ସେ ଏଏନଆଇ ନ୍ୟୁଜ ଏଜେନ୍ସିକୁ ଏହା କହିଛନ୍ତି।

At a time when many security personnel have lost their lives, Chhattisgarh CM Bhupesh Baghel is busy in poll campaign in Assam. He is camping here with govt staff & misusing govt machinery. Election Commission should investigate this matter: BJP MP Dilip Saikia in Guwahati pic.twitter.com/rkBfbp98e2

— ANI (@ANI) April 4, 2021

ଦିଲୀପ ସାଇକିଆ ଆହୁରି ମଧ୍ୟ କହିଛନ୍ତି ଯେ, ସରକାରୀ କର୍ମଚାରୀ ଏବଂ ସରକାରୀ କଳର ଅପବ୍ୟବହାର କରି ମୁଖ୍ୟମନ୍ତ୍ରୀ ଆସାମରେ ଡେରା ପକାଇଛନ୍ତି। ନିର୍ବାଚନ କମିସନ ଏହି ଘଟଣାର ଅନୁସନ୍ଧାନ କରିବା ଉଚିତ। ‘

ସୂଚନାଯୋଗ୍ୟ, ଶନିବାର ଦିନ ଛତିଶଗଡ଼ର ବିଜାପୁର ଜିଲ୍ଲାରେ ମାଓବାଦୀମାନେ ଅତର୍କିତ ଆକ୍ରମଣ କରିବାରୁ ଅନ୍ୟୂନ ୨୨ଜଣ ଯବାନ ସହିଦ ହୋଇଛନ୍ତି ଏବଂ ଆହୁରି ୩୧ଜଣ ଯବାନ ଆହତ ହୋଇଛନ୍ତି।

ଗଣମାଧ୍ୟମକୁ ଜଣେ ବରିଷ୍ଠ ସରକାରୀ ଅଧିକାରୀ କହିଛନ୍ତି, ଗୁଳି ବିନିମୟ ସ୍ଥଳରେ ବିଛାଡ଼ି ହୋଇ ପଡ଼ିଥିବା ୨୦ଜଣ ଯବାନଙ୍କର ରକ୍ତରଞ୍ଜିତ ଶବ ଉଦ୍ଧାର କରିଛୁ। ସହିଦ ଯବାନଙ୍କ ସଂଖ୍ୟା ୨୨ କିଂବା ୨୩କୁ ବୃଦ୍ଧି ପାଇପାରେ।

ରବିବାର ସକାଳେ ଘଟଣାସ୍ଥଳକୁ ଯାଇଥିବା ଦଳେ ସ୍ଥାନୀୟ ସାମ୍ବାଦିକ ମଧ୍ୟ ଅନ୍ୟୂନ ୨୦ଜଣ ଯବାନ ସହିଦ ହୋଇଥିବା କଥା ସୁନିଶ୍ଚିତ କରିଛନ୍ତି।

ଆହୁରି କେତେଜଣ ଯବାନ ନିଖୋଜ ଥିବା ଖବର ମଧ୍ୟ ଆସିଛି। ନିଖୋଜ ଯବାନମାନଙ୍କୁ ଠାବ କରିବା ଲାଗି ବ୍ୟାପକ ତଲାସ ଅଭିଯାନ ଆରମ୍ଭ ହୋଇଛି।