କର୍ତ୍ତବ୍ୟ ନିର୍ବାହ ସମୟରେ ନିଜର ‘ଲକ୍ଷ୍ମଣ ରେଖା’ ପ୍ରତି ଧ୍ୟାନ ଦେବା ଉଚତ୍: ପ୍ରଧାନ ବିଚାରପତି ରମନ୍ନା
ନୂଆଦିଲ୍ଲୀ: ସମ୍ବିଧାନ ରାଷ୍ଟ୍ରର ତିନିଟି ଅଙ୍ଗ ମଧ୍ୟରେ କ୍ଷମତାକୁ ଅଲଗା କରିଥାଏ। ତେଣୁ, ଏ କ୍ଷେତ୍ରରେ ଜଣେ କର୍ତ୍ତବ୍ୟ ନିର୍ବାହ କରିବା ସମୟରେ ନିଜର ‘ଲକ୍ଷ୍ମଣ ରେଖା’ ପ୍ରତି ଧ୍ୟାନ ଦେବା ଉଚତ୍ ବୋଲି ଭାରତର ପ୍ରଧାନ ବିଚାରପତି (ସିଜେଆଇ) ଜଷ୍ଟିସ୍ ଏନ ଭି ରମନ୍ନା ଶନିବାର କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସମ୍ବିଧାନ ରାଷ୍ଟ୍ରର ତିନିଟି ଅଙ୍ଗ ମଧ୍ୟରେ କ୍ଷମତାକୁ ଅଲଗା କରଥାଏ ଏବଂ ରାଷ୍ଟ୍ରର ତିନିଟି ଅଙ୍ଗ ମଧ୍ୟରେ ସମନ୍ଵୟପୂର୍ଣ୍ଣ କାର୍ଯ୍ୟ ଗଣତନ୍ତ୍ରକୁ ମଜବୁତ କରେ। ତେଣୁ, ଆମର କର୍ତ୍ତବ୍ୟ ନିର୍ବାହ କରିବା ସମୟରେ, ଆମେ ଆମର ‘ଲକ୍ଷ୍ମଣ ରେଖା’ ପ୍ରତି ଧ୍ୟାନ ଦେବା ଉଚିତ ବୋଲି ପ୍ରଧାନ ବିଚାରପତି ଜଷ୍ଟିସ ରମନ୍ନା କହିଛନ୍ତି।
ପ୍ରଧାନ ବିଚାରପତି ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଗତ ସ୍ୱାଧୀନତା ଦିବସରେ ସେ ବିଧାନସଭା ଯାଞ୍ଚ ବିଷୟରେ ଦେଇଥିବା ତାଙ୍କର ମନ୍ତବ୍ୟକୁ ଭୁଲ ଭାବରେ ବୁଝାଯାଇଥିଲା ଏବଂ ସେ ବିଧାନସଭା କ୍ଷେତ୍ରରେ ହସ୍ତକ୍ଷେପ କରିବାକୁ ଚାହୁଁ ନଥିଲେ। କିନ୍ତୁ ଲୋକସଭା ବାଚସ୍ପତିଙ୍କ ମନ୍ତବ୍ୟ ବ୍ୟବହାର କରି ଆଇନ ପାରିତ କରିବା ପୂର୍ବରୁ ଉପଯୁକ୍ତ ବିଧାନସଭା ଯାଞ୍ଚର ଆବଶ୍ୟକତାକୁ ଦୋହରାଇ ଥିଲେ।
ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଉଦ୍ଘାଟିତ ହୋଇଥିବା ରାଜ୍ୟ ମୁଖ୍ୟମନ୍ତ୍ରୀ ଓ ହାଇକୋର୍ଟ ଏବଂ ମୁଖ୍ୟ ବିଚାରପତିଙ୍କ ମିଳିତ ସମ୍ମିଳନୀରେ ନିଜର ବକ୍ତବ୍ୟ ପ୍ରଦାନ କରିବାକୁ ଯାଇ ଏକଥା କହିଥିଲେ ପ୍ରଧାନ ବିଚାରପତି ଜଷ୍ଟିସ ରମନ୍ନା।