ମୁଖ୍ୟ ଶାସନ ସଚିବଙ୍କୁ ନେଇ ଆମ ଆଦମୀ ପାର୍ଟିର ଦିଲ୍ଲୀ ଓ ପଞ୍ଜାବ ଶାଖା ମଧ୍ୟରେ କନ୍ଦଳ!

ନୂଆଦିଲ୍ଲୀ: ପଞ୍ଜାବରେ ଆମ ଆଦମୀ ପାର୍ଟିର ସରକାର ହେଲେ ଶାସନ ଦିଲ୍ଲୀରୁ ପରିଚାଳିତ ହେବ | କିଛି ଏଭଳି ଅଭିଯୋଗ ଆଣୁଥିବା ବିରୋଧୀଙ୍କୁ ଏବେ ଏନେଇ ଚର୍ଚ୍ଚା କରିବାକୁ ଅଧିକ ଖୋରାକ ଯୋଗାଇଛି | କାରଣ ଦିଲ୍ଲୀର ମୁଖ୍ୟ ଶାସନ ସଚିବ ଥିବା ବିଜୟ କୁମାର ଦେବଙ୍କୁ ପଞ୍ଜାବର ମୁଖ୍ୟ ଶାସନ ସଚିବ ଭାବେ ନିଯୁକ୍ତ କରିବାକୁ କେଜ୍ରିୱାଲ ବିଚାର କରୁଛନ୍ତି | କିନ୍ତୁ ଏହି ନିଷ୍ପତ୍ତିକୁ ମାନିବାକୁ ରାଜି ନାହାନ୍ତି ପଞ୍ଜାବର ଆପ ସମର୍ଥକ | ପଞ୍ଜାବର ପାୱାର କରିଡରରେ ଏବେ ଆଲୋଚନା ଚାଲିଛି ଯେ ବିଜୟ କୁମାର ଦେବଙ୍କୁ ଏପ୍ରିଲ୍ ୨୦ରେ ପୋଷ୍ଟିଂ ଦିଆଯାଇପାରେ |

ପଞ୍ଜାବର ଅମଲାତନ୍ତ୍ରର ବରିଷ୍ଠ ଅଧିକାରୀଙ୍କ ମଧ୍ୟରେ ଚାଲିଥିବା ଆଲୋଚନା ମୁତାବକ ପଞ୍ଜାବର ଆମ୍ ଆଦମୀ ପାର୍ଟିର ନେତୃତ୍ୱ ଏହି ନିଷ୍ପତ୍ତିରେ ସହମତ ନୁହଁନ୍ତି। ଆମ୍ ଆଦମୀ ପାର୍ଟିର ପଞ୍ଜାବ ନେତୃତ୍ୱ ଚାଁହୁଛନ୍ତି କି ପୂର୍ବରୁ ବିରୋଧୀ କହିଥିଲେ ଯେ ଆପ କ୍ଷମତାକୁ ଆସିଲେ ଦିଲ୍ଲୀରୁ ସରକାର ଚାଲିବ | ଆଉ ଯଦି ଦିଲ୍ଲୀ ସରକାରଙ୍କ ଜଣେ ବରିଷ୍ଠ ଅଧିକାରୀ ପଞ୍ଜାବର ମୁଖ୍ୟ ଶାସନ ସଚିବ ପଦରେ ରୁହନ୍ତି ତେବେ ବିରୋଧୀଙ୍କ ଏହି ଆକଳନ ସତ ହୋଇଯିବ |

ଏଭଳି ପରିସ୍ଥିତିରେ ଯଦି ଦିଲ୍ଲୀ ସରକାରଙ୍କ ମୁଖ୍ୟ ସଚିବଙ୍କୁ ଅବସର ପରେ ପଞ୍ଜାବ ସିଏମଓରେ ରଖାଯାଏ, ତେବେ ବିରୋଧୀ ଦଳର ଅଭିଯୋଗର ଉତ୍ତର ଦେବା କଷ୍ଟସାଧ୍ୟ ହେବ। ସୂଚନା ଥାଉ କି ଡିସେମ୍ବର ୨୧ ରେ ବିଜୟ କୁମାର ଦେବ ସ୍ୱେଚ୍ଛାକୃତ ଅବସର ପାଇଁ ଆବେଦନ କରିଥିଲେ। ଏପ୍ରିଲ୍ ୨୦ରେ ତାଙ୍କୁ ରାଜ୍ୟ ନିର୍ବାଚନ କମିଶନର ଭାବରେ ଦିଲ୍ଲୀରେ ଅବସ୍ଥାପିତ କରାଯିବ | କିନ୍ତୁ ଚର୍ଚ୍ଚା ହେଉଛି ଯେ ତାଙ୍କୁ ପଞ୍ଜାବ ପଠାଇ ୧୯୮୮ ବ୍ୟାଚ୍ ଆଇଏଏସ୍ ଅଧିକାରୀ ସତ୍ୟ ଗୋପାଳଙ୍କୁ ଦିଲ୍ଲୀରେ ନିର୍ବାଚନ କମିଶନର ଭାବରେ ନିଯୁକ୍ତ କରାଯାଇପାରେ ।