୧୨-୧୪ ମଧ୍ୟରେ ୧ କୋଟିରୁ ଅଧିକ ଶିଶୁ ପ୍ରଥମ ଡୋଜ୍ ନେଇଛନ୍ତି
ନୂଆଦିଲ୍ଲୀ : ୧୨-୧୪ ବର୍ଷ ବୟସ ମଧ୍ୟରେ ୧ କୋଟିରୁ ଅଧିକ ଶିଶୁ ପ୍ରଥମ ଡୋଜ୍ କରୋନା ଟିକା ନେଇ ସାରିଛନ୍ତି ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭୀୟ ଆଜି ସୂଚନା ଦେଇଛନ୍ତି। ଉକ୍ତ ବୟସବର୍ଗ ପାଇଁ ଟିକାକରଣ ମାର୍ଚ୍ଚ ୧୬ ତାରିଖରେ ଆରମ୍ଭ ହୋଇଥିଲା। ୧୨-୧୪ ବର୍ଷ ମଧ୍ୟରେ କୋର୍ବେଭାକ୍ସ ଟିକା ଦିଆଯାଉଛି। ପ୍ରଥମ ଡୋଜ୍ ନେବାର ୨୮ ଦିନ ପରେ ଦ୍ବିତୀୟ ଡୋଜ୍ ଦିଆଯିବ। ଗତବର୍ଷ ମାର୍ଚ୍ଚ ୧ ସୁଦ୍ଧା ଦେଶରେ ୧୨ରୁ ୧୩ ମଧ୍ୟରେ ୪.୭ କୋଟି ଶିଶୁ ଥିଲେ। ତେବେ ଏଯାବତ ୧ କୋଟିରୁ ଅଧିକ ଶିଶୁ ପ୍ରଥମ ଡୋଜ୍ ଟିକା ନେଇଛନ୍ତି। ଦେଶରେ ମୋଟ୍ ଟିକାକରଣ ୧୮୨.୫୫ କୋଟି ପହଞ୍ଚିଛି। ଉଲ୍ଲେଖଯୋଗ୍ୟ ଯେ ଗତବର୍ଷ ଜାନୁଆରି ୧୬ ତାରିଖରେ ଦେଶରେ ଟିକାକରଣ ଆରମ୍ଭ ହୋଇଥିଲା ଏବଂ ପିଲାଙ୍କ ଟିକାକରଣ ଏବେ ତ୍ବରାନ୍ବିତ ହୋଇଛି।