ଏହିପରି ଭାବେ ଘରେ ପଶି ଦୁଇ ପିଲାଙ୍କ ହତ୍ୟା କରିଥିଲେ ୟୁପି ଯୁବକ

ବଦାୟୁଁ: ଉତ୍ତରପ୍ରଦେଶର ବଦାୟୁଁରେ ଏକ ଡବଲ ହତ୍ୟା ମାମଲାରେ ଚିତ୍ତାକର୍ଷକ ବିବରଣୀ ପଦାକୁ ଆସିଛି। ଯେଉଁଥିରେ ଜଣେ ବ୍ୟକ୍ତି ପଡୋଶୀଙ୍କ ଘରକୁ ଯାଇ ଟଙ୍କା ମାଗିବା ବାହାନାରେ ଦୁଇ ପିଲାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି।
ଅଭିଯୁକ୍ତ ହତ୍ୟାକାରୀ ସାଜିଦ ପୀଡିତାଙ୍କ ଘର ସମ୍ମୁଖରେ ଏକ ସେଲୁନ୍‌ ଚଳାନ୍ତି। ପୀଡ଼ିତା ଦୁଇ ପିଲାଙ୍କ ବାପା ବିନୋଦଙ୍କ ସହ ତାଙ୍କର ପରିଚିତ ରହିଥିଲା।

ମଙ୍ଗଳବାର ସନ୍ଧ୍ୟାରେ ସାଜିଦ୍ ସେମାନଙ୍କ ଘରକୁ ଯାଇ ୫୦୦୦ ଟଙ୍କା ଧାର ମାଗିଥିଲେ। ହେଲେ ବିନୋଦ ସେ ସମୟରେ ଘରେ ନଥିଲେ। ଯେତେବେଳେ ବିନୋଦଙ୍କ ପତ୍ନୀ ଚା ’ତିଆରି କରିବା ପାଇଁ ରୁମ୍‌ ଭିତରକୁ ଯାଇଥିଲେ ତ ସାଜିଦ୍‌ ସେତେବେଳେ ବିନୋଦଙ୍କ ୩ ପିଲାଙ୍କୁ ଆକ୍ରମଣ କରିଥିଲେ। ସାଜିଦ ଧରାଯିବା ପରେ ସେ ପୁଲିସ୍‌କୁ ଆକ୍ରମଣ କରିବାରୁ ପୁଲିସ୍‌ ଏନ୍‌କାଉଣ୍ଟର୍‌ରେ ତାଙ୍କ ଜୀବନ ଯାଇଛି।

ବି‌ନୋଦଙ୍କ ପତ୍ନୀ ସଂଗୀତାଙ୍କ କହିବାନୁସାରେ, ସାଜିଦ କହିଥିଲେ ଯେ ତାଙ୍କ ଗର୍ଭବତୀ ପତ୍ନୀ ହସ୍ପିଟାଲରେ ଅଛନ୍ତି ଏବଂ ତାଙ୍କ ଚିକିତ୍ସା ପାଇଁ ତାଙ୍କୁ ୫ ହଜାର ଟଙ୍କା ଦରକାର। ସଙ୍ଗୀତା ତାଙ୍କ ସ୍ୱାମୀ ବିନୋଦଙ୍କୁ ଫୋନ କରିଥିଲେ, ସ୍ବାମୀ ସଂଗୀତାଙ୍କୁ ଟଙ୍କା ଦେବାକୁ ଅନୁମତି ଦେଇଥିଲେ। ହେଲେ ସଂଗୀତା ଘର ଭିତରକୁ ଚା’ ଆଣିବାକୁ ଗଲା ବେଳେ ସାଜିଦ୍‌ ଆକ୍ରମଣ କରିଥିଲେ।