ନୂଆଦିଲ୍ଲୀ: ଭାରତ ସହ ସାମରିକ ତିକ୍ତତା ମଧ୍ୟରେ ଚୀନ୍ ଭାରତର ପଡୋଶୀ ଦେଶଗୁଡ଼ିକୁ ନିଜ ସହ ନେବାକୁ ବ୍ୟସ୍ତ ଅଛି। ସୋମବାର ପ୍ରଥମ ଥର ପାଇଁ ଚୀନ୍ ବୈଦେଶିକ ମନ୍ତ୍ରୀ ୟାଙ୍ଗ ୟି ପାକିସ୍ତାନ, ଆଫଗାନିସ୍ତାନ ଏବଂ ନେପାଳର ବୈଦେଶିକ ମନ୍ତ୍ରୀଙ୍କ ସହ ଏକ ଭର୍ଚୁଆଲ୍ ବୈଠକ କରିଛନ୍ତି। ଏହି ବୈଠକରେ କରୋନା ମହାମାରୀ, ଆର୍ଥିକ ସହାୟତା ଏବଂ ଚୀନ୍‌ର ଉଚ୍ଚାଭିଳାଷୀ ପ୍ରକଳ୍ପ ବେଲ୍ଟ ଆଣ୍ଡ ରୋଡ୍ ଉପରେ ଆଲୋଚନା କରାଯାଇଥିଲା।

Advertisment

ଚୀନ୍‌ର ବୈଦେଶିକ ମନ୍ତ୍ରୀ ମଧ୍ୟ କରୋନା ମହାମାରୀକୁ ନିୟନ୍ତ୍ରଣ କରିବା ପାଇଁ ପାକିସ୍ତାନ ଏବଂ ଚୀନ୍‌ର ମିଳିତ ପଦକ୍ଷେପକୁ ଉଲ୍ଲେଖ କରି କହିଛନ୍ତି ଯେ ଅନ୍ୟ ଦୁଇ ଦେଶ ମଧ୍ୟ ପାକିସ୍ତାନର ପଥ ଅନୁସରଣ କରିବା ଉଚିତ୍। ୟାଙ୍ଗ କହିଛନ୍ତି ଯେ ଭଲ ପଡୋଶୀ ମିଳିବ ଭାଗ୍ୟର କଥା |

ଚୀନ-ପାକିସ୍ତାନଙ୍କ ବନ୍ଧୁତ୍ୱରୁ କିଭଳି କରୋନା ମହାମାରୀ ମୁକାବିଲା, ଆର୍ଥିକ ସହଯୋଗକୁ ଆଗକୁ ବଢାଯାଇପାରିଛି ସେସବୁ ନେପାଳ ଓ ଆଫଗାନିସ୍ତାନ ଶିଖିବା ଉଚିତ ବୋଲି ସେ କହିଛନ୍ତି | ଚୀନ ବିଦେଶ ମନ୍ତ୍ରୀ କହିଛନ୍ତି ଯେ କରୋନା ମହାମାରୀ ବିରୋଧରେ ଚାରିଟି ଦେଶ ପରସ୍ପରକୁ ସହଯୋଗ କରିବାର ଆବଶ୍ୟକତା ରହିଛି | ଆଉ ଖୁବ ଶୀଘ୍ର ପରସ୍ପର ପ୍ରତି ସାହାଯ୍ୟର ବାଟ ଖୋଲିବା ଦରକାର |