ନୂଆଦିଲ୍ଲୀ : ତାଇଓ୍ଵାନକୁ ନେଇ ବିଶ୍ୱରେ ୩ୟ ବିଶ୍ୱ ଯୁଦ୍ଧ ଆରମ୍ଭ ହୋଇପାରେ ବୋଲି ଚୀନ ଆଶଙ୍କା କରୁଛି । ଏହି ବିଶ୍ୱ ଯୁଦ୍ଧରେ ଚୀନକୁ ଏକ ସମୟରେ ତାଇଓ୍ଵାନ, ଆମେରିକା, ଭାରତ ଓ ଜାପାନ ପ୍ରଭୃତି ଦେଶଙ୍କ ସହ ଲଢିବାକୁ ପଡିପାରେ । ଏହାକୁ ଦୃଷ୍ଟିରେ ରଖି ଚୀନ ନିଜର ସାମରିକ ପ୍ରସ୍ତୁତି କରୁଛି । ଏ ନେଇ ଆମେରିକାର ସେଣ୍ଟର ଫର ନାସନାଲ ଇଣ୍ଟରେଷ୍ଟ ନାମକ ଏକ ବିଶେଷଜ୍ଞ ଗୋଷ୍ଠୀ ଏକ ରିପୋର୍ଟ ପ୍ରସ୍ତୁତ କରିଛି । ଏହି ରିପୋର୍ଟରେ ଚୀନର ଏହି ଯୋଜନା ସଂପର୍କରେ ଆଲୋଚନା କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଚୀନ ଆଶଙ୍କା କରୁଛି ଯେ, ତାଇଓ୍ଵାନକୁ ନିଜ ସହ ମିଶାଇବା ପାଇଁ ଚୀନ ଏହି କ୍ଷୁଦ୍ର ଦେଶ ଉପରେ ଆକ୍ରମଣ କଲେ ଆମେରିକା ଚୀନ ଉପରେ ଆକ୍ରମଣ କରିବ । ଏହା ଫଳରେ ଚୀନ ଆମେରିକା ଉପରେ ପ୍ରତି ଆକ୍ରମଣ କରିବ । ଏହି ପରିସ୍ଥିତିରେ ଭାରତ ମଧ୍ୟ ଚୀନ ଉପରେ ଆକ୍ରମଣ କରିପାରେ ବୋଲି ବେଜିଂ ଆଶଙ୍କା କରୁଛି । ଏତିକିବେଳେ ତିବ୍ଦତର ସ୍ୱାଧୀନତା ସଂଗ୍ରାମୀମାନେ ଭାରତକୁ ସାହାଯ୍ୟ କରିବାକୁ ଆଗେଇ ଆସିବେ । ଏଣୁ ଭାରତ ଉପରେ ଏକ ସମୟରେ ଆକ୍ରମଣ ପାଇଁ ମଧ୍ୟ ଚୀନ ପ୍ରସ୍ତୁତ ହେଉଛି । ଅନ୍ୟପକ୍ଷରେ ଜାପାନ, ଇଣ୍ଡୋନେସିଆ ମଧ୍ୟ ଚୁପ ହୋଇ ବସିବେ ନାହିଁ । ସେମାନେ ମଧ୍ୟ ଚୀନ ଉପରେ ମୌକା ଦେଖି ଆକ୍ରମଣ କରିବେ । ଏସବୁ ସମ୍ଭାବନାକୁ ନେଇ ଚୀନ ଚିନ୍ତିତ ହୋଇପଡିଛି ।