ନୂଆଦିଲ୍ଲୀ: ନେପାଳରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ଚୀନ୍ ଏବଂ ପାକିସ୍ତାନ ହିମାଳୟାନ ଦେଶରେ ଭାରତର ପ୍ରଭାବକୁ ଶେଷ କରିବା ପାଇଁ ଏକ ବଡ଼ ଷଡଯନ୍ତ୍ରରେ ଲିପ୍ତ ଥିବା ନେଇ ସୂଚନା ମିଳିଛି । ଭାରତୀୟ ସୁରକ୍ଷା ଏଜେନ୍ସି ଅନୁଯାୟୀ, ଚୀନ୍ ନେପାଳକୁ ଭାରତ ବିରୋଧୀ କରିବା ପାଇଁ ଚେଷ୍ଟା କରିବା ଆରମ୍ଭ କରିଛି | ଏମିତିକି କରୋନା ରୋଗୀଙ୍କୁ ସାହାଯ୍ୟ କରିବା ନାମରେ ଚୀନର ଗୁପ୍ତଚରମାନଙ୍କୁ ନେପାଳରେ ନିୟୋଜିତ କରାଯାଉଛି |

Advertisment

ମିଳିଥିବା ସୂଚନା ମୁତାବକ, ବିଶ୍ବର ସବୁଠାରୁ ବଡ଼ ଗୁପ୍ତଚର ୟୁନିଟ୍ ଭାବେ ଜଣାଶୁଣା ଚାଇନାର ଗୁପ୍ତଚର ଏଜେନ୍ସି ମିଲିଟାରୀ ଅଫ୍ ଷ୍ଟେଟ୍ ସିକ୍ୟୁରିଟି (ଏମ୍ଏସ୍ଏସ୍)ନେପାଳରେ ନିଜର ଉପସ୍ଥିତି ବଢ଼ାଉଛି। ତେବେ ନେପାଳ ଏବଂ ଭାରତ ମଧ୍ୟରେ ସୀମା ବିବାଦର ଲାଭ ଚୀନ ସହ ପାକିସ୍ତାନ ମଧ୍ୟ ଉଠାଉଛି |

China increasing deployment of its spies as Nepal's KP Oli ... Zee News

ପାକିସ୍ତାନର ଏଜେନ୍ସିଗୁଡ଼ିକ ପ୍ରଧାନମନ୍ତ୍ରୀ ଓଲି ଏବଂ ନେପାଳର ଅନ୍ୟ ଗୁରୁତ୍ୱପୂର୍ଣ୍ଣ ନେତାଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରୁଛନ୍ତି, ଯେଉଁମାନଙ୍କୁ ଭାରତ ବିରୋଧୀ କରାଯାଇ ପାରିବ। ଏହା ସହ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଓଲିଙ୍କୁ ସମର୍ଥନ ଜଣାଇଛନ୍ତି। ପାକିସ୍ତାନ ପ୍ରଧାନମନ୍ତ୍ରୀ ମଧ୍ୟ ନେପାଳର ବୈଦେଶିକ ମନ୍ତ୍ରଣାଳୟକୁ ଏକ ଆନୁଷ୍ଠାନିକ ନୋଟିସ ପଠାଇ ଓଲିଙ୍କ ସହ କଲ୍ ପ୍ରସ୍ତାବ ଦେଇଛନ୍ତି। କେବଳ ଏତିକି ନୁହେଁ, ନେପାଳର ଆଭ୍ୟନ୍ତରୀଣ ବିକାଶ ଉପରେ ନଜର ରଖିବା ପାଇଁ ପାକିସ୍ତାନର ଆଇଏସଆଇ କାଠମାଣ୍ଡୁରେ ଥିବା ପାକିସ୍ତାନ ଦୂତାବାସରେ ଏହାର ଏଜେଣ୍ଟଙ୍କ ସଂଖ୍ୟା ବଢ଼ାଉଛି | ପଡୋଶୀ ଦେଶକୁ ଉତ୍ତେଜିତ କରି ଚୀନ୍ ମଧ୍ୟ ଭାରତ ପାଇଁ ଅସୁବିଧା ସୃଷ୍ଟି କରିବାକୁ ଚାହୁଁଛି। ଭାରତ ବିରୋଧରେ ନେପାଳକୁ ଉତ୍ତେଜିତ କରି ଉଭୟ ଚୀନ୍ ଏବଂ ପାକିସ୍ତାନ ସମସ୍ୟାର ଆଉ ଏକ ବାଟ ଖେ‌ାଲିବାକୁ ଯୋଜନା କରୁଛନ୍ତି।