୫୯ଟି ଆପ ନିଷିଦ୍ଧ କରାଯିବାକୁ ଚୀନର ବିରୋଧ, ଦ୍ବିପାକ୍ଷିକ ଆଲୋଚନା ବେଳେ ପ୍ରସଙ୍ଗ ଉଠାଇଲା
ନୂଆଦିଲ୍ଲୀ : ଭାରତ ସରକାରଙ୍କ ଦ୍ବାରା ୫୯ଟି ଚୀନା ମୋବାଇଲ ଆପକୁ ନିଷିଦ୍ଧ କରିବାକୁ ଚୀନ ବିରୋଧ କରିଛି । ଦ୍ବିପକ୍ଷିକ କୂଟନୈତିକ ଆଲୋଚନା ବେଳେ ଚୀନ ଭାରତ ଆଗରେ ଏହି ପ୍ରସଙ୍ଗ ଉଠାଇଛି ।
Sambad is now on WhatsApp
Join and get latest news updates delivered to you via WhatsApp
ଦୁଇ ଦେଶ ମଧ୍ୟରେ ଉତ୍ତେଜନା ହ୍ରାସ ପାଇଁ ନିକଟରେ ନୂଆଦିଲ୍ଲୀ ଠାରେ ଏକ କୂଟନୈତିକ ସ୍ତରୀୟ ଆଲୋଚନା ଅନୁଷ୍ଠିତ ହୋଇଥିଲା । ଏହି ବୈଠକରେ ଚୀନ ମୋବାଇଲ ଆପ ପ୍ରସଙ୍ଗ ଉଠାଇଥିଲା । ଏହାର ଜବାବରେ ଭାରତ କହିଥିଲା ଯେ ସୁରକ୍ଷା ଦୃଷ୍ଟିକୋଣରୁ ଏହି ପଦକ୍ଷେପ ନିଆଯାଇଛି । ଲୋକମାନଙ୍କର ଗୋପନୀୟ ତଥ୍ୟ ଦେଶ ବାହାରକୁ ଯିବା ଭାରତ ସରକାର ଚାହାନ୍ତି ନାହିଁ ବୋଲି ଚୀନକୁ ସ୍ପଷ୍ଟ କରିଦିଆଯାଇଛି ।
ସୀମାରେ ଚୀନ ସହ ବିବାଦ ପରେ ଭାରତ ସରକାର ଗତ ଜୁନ ୨୯ରେ ଚୀନର ୫୯ଟି ମୋବାଇଲ ଆପ କମ୍ପାନିକୁ ନିଷିଦ୍ଧ କରିଦେଇଥିଲେ । ଏସବୁ ସଂଦିଗ୍ଧ ଚୀନା ଆପ ମଧ୍ୟରେ ରହିଛି ଟିକଟକ, ଜୁମ,ସେୟାରଇଟ,ୟୁସି ବ୍ରାଉଜର, ଜେଣ୍ଡର, ୟୁସି ନ୍ୟୁଜ, କ୍ଲବ ଫାକ୍ଟ୍ରି, ହେଲୋ, ନ୍ୟୁଜଡଗ, କାମ ସ୍କାନର, କ୍ଲିନ ମାଷ୍ଟର,ଓ୍ଵଣ୍ଡର ସିନେମା, ସ୍ୱିଟ ସେଲଫି, ବିଗୋ ଲାଇଭ,ଏମଆଇ ଭିଡିଓ କଲ, ଓ୍ଵିମିଟ, ।
ଚୀନ ମୋବାଇଲ ଆପଗୁଡ଼ିକ ବ୍ୟକ୍ତିଗତ ତଥ୍ୟ ଚୋରାଉଥିବା ନେଇ ଗୁଇନ୍ଦା ସଂସ୍ଥାଗୁଡ଼ିକ ସତର୍କତା ଜାରି କରି କରିଥିଲେ । ଏହି ଆପଗୁଡ଼ିକ ନିରାପଦ ନୁହଁନ୍ତି ଓ ବ୍ୟବହାରକାରୀର ବ୍ୟକ୍ତିଗତ ତଥ୍ୟ ଚୋରାଇ ନେଉଥିବା ଅଭିଯୋଗ ହୋଇଛି ।