କରୋନା ଭୁତାଣୁର ଉଦ୍ଭବ ସମ୍ପର୍କରେ ପୁଣି ତଦନ୍ତ ପାଇଁ ରାଜି ହେଉନି ଚୀନ
ବେଜିଂ : କରୋନା ଭୁତାଣୁର ଉତ୍ପତ୍ତି ସମ୍ପର୍କରେ ପୁଣି ଥରେ ତଦନ୍ତ ଅନୁମତି ପାଇଁ ବିଶ୍ବ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚଓ ) କରିଥିବା ଅନୁରୋଧକୁ ଚୀନ ପ୍ରତ୍ୟାଖ୍ୟାନ କରିଦେଇଛି । ପୂର୍ବରୁ ହୋଇଥିବା ତଦନ୍ତ ଯଥେଷ୍ଟ ବୋଲି ଚୀନ କହିଛି ।
Sambad is now on WhatsApp
Join and get latest news updates delivered to you via WhatsApp
ଚୀନର ଉହାନରେ ପ୍ରାରମ୍ଭିକ ପର୍ଯ୍ୟାୟରେ ଚିହ୍ନଟ ହୋଇଥିବା କରୋନା ଭୁତାଣୁ ସମ୍ପର୍କିତ ମୌଳିକ ତଥ୍ୟ ପ୍ରଦାନ ପାଇଁ ଗତକାଲି ବିଶ୍ବ ସ୍ବାସ୍ଥ୍ୟ ସଂଗଠନ ପକ୍ଷରୁ ଚୀନକୁ ଅନୁରୋଧ କରାଯାଇଥିଲା । ଏହା ଦ୍ବାରା ତଦନ୍ତକୁ ପୁଣି ଥରେ ଆରମ୍ଭ କରାଯାଇପାରିବ ବୋଲି ଡବ୍ଲୁଏଚଓ କହିଥିଲା । କିନ୍ତୁ ଏହାର ଜବାବରେ ଚୀନ ପକ୍ଷରୁ କୁହାଯାଇଛି ଯେ ପୂର୍ବରୁ ହୋଇଥିବା ତଦନ୍ତ ଯଥେଷ୍ଟ । ପୁଣି ଥରେ ତଦନ୍ତ କରାଯ଼ିବା ପଛରେ ବୈଜ୍ଞାନିକ ଅନୁସନ୍ଧାନ ବଦଳରେ ରାଜନୀତି ରହିଛି । ଏଣୁ ଏଥିପାଇଁ ଅନୁମତି ଦିଆଯାଇପାରିବ ନାହିଁ ।
ଚୀନରେ କରୋନା ଭୁତାଣୁର ଉଦ୍ଭବ ସମ୍ପର୍କରେ ତଦନ୍ତ ପାଇଁ ଡବ୍ଲୁଏଚଓର ଏକ ଦଳ ଗତ ଜାନୁଆରି ମାସରେ ଚୀନର ସହର ଉହାନ ଯାଇଥିଲା । ତେବେ ଏହି ତଦନ୍ତକାରୀ ଦଳ ଭୁତାଣୁର ଉଦ୍ଭବ ସମ୍ପର୍କରେ କୌଣସି ନିର୍ଦ୍ଦିଷ୍ଟ ସିଦ୍ଧାନ୍ତରେ ପହଞ୍ଚିପାରିନଥିଲା ।