ଚୀନ ଆମର ଶତ୍ରୁ ନୁହେଁ : ତାଲିବାନ
କାବୁଲ : ଚୀନ ଆଫଗାନିସ୍ଥାନର ଶତ୍ରୁ ନୁହେଁ ବୋଲି କହିଛି ଆଫଗାନ ତାଲିବାନ । ଚୀନର ସିଜିଆଙ୍ଗ୍ ପ୍ରଦେଶରୁ ଆସୁଥିବା ଉଇଘୁର ଆତଙ୍କବାଦୀମାନଙ୍କୁ ତାଲିବାନ ଆଶ୍ରୟ ଦେବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ତାଲିବାନର ମୁଖପାତ୍ର ସୁହେଲ ସାହିନ କହିଛନ୍ତି ଯେ, ତାଲିବାନକୁ ନେଇ ଚୀନ ଚିନ୍ତା କରିବା ଉଚିତ ନୁହେଁ, କାରଣ ଚୀନ ଆଫଗାନିସ୍ଥାନର ଶତ୍ରୁ ନୁହେଁ । ଆଫଗାନିସ୍ଥାନର ପୁନର୍ନିର୍ମାଣ ପାଇଁ ଚୀନର ବଡ଼ ଭୂମିକା ରହିବ ।
ପଶ୍ଚିମ ଚୀନସ୍ଥିତ ସିଜିଆଙ୍ଗ୍ ପ୍ରଦେଶରେ ଥିବା ଉଇଘୁର ଆତଙ୍କବାଦୀମାନେ ଏକ ସ୍ବତନ୍ତ୍ର ପୂର୍ବ ତୁର୍କିସ୍ଥାନ ରାଷ୍ଟ୍ର ଗଠନ ପାଇଁ ହିଂସାକାଣ୍ଡ ଚଳାଉଛନ୍ତି । ପୂର୍ବ ତୁର୍କୀସ୍ଥାନ ଇସ୍ଲାମୀୟ ଆନ୍ଦୋଳନ ନାମକ ଅଲକାଇଦା ସମର୍ଥିତ ସଂଗଠନ ଏହି ହିଂସାକାଣ୍ଡ ଚଳାଉଛି । ଚୀନର ଆଶଙ୍କା ଯେ ଆଫଗାନିସ୍ଥାନରେ ପୁଣି ତାଲିବାନ ଫେରିବା ପରେ ଏହି ଆତଙ୍କବାଦୀମାନେ ଆହୁରି ଶକ୍ତିଶାଳୀ ହେବେ ।
ସୂଚନାଯୋଗ୍ୟ ଯେ, ଯୁଦ୍ଧ ବିଧ୍ବସ୍ତ ଆଫଗାନିସ୍ଥାନରୁ ଆମେରିକୀୟ ସେନା ପ୍ରତ୍ୟାବର୍ତ୍ତନ କରିବା ସମଗ୍ର ବିଶ୍ବରେ ଚର୍ଚ୍ଚାର ବିଷୟ ହୋଇଛି । ନିରାପତ୍ତା ଦୃଷ୍ଟିକୋଣରୁ ଏହି ଘଟଣା ଦକ୍ଷିଣ ଓ ପଶ୍ଚିମ ଏସିଆରେ ଏକ ବଡ଼ ପରିବର୍ତ୍ତନ ଆଣିବାକୁ ଯାଉଛି, କାରଣ ତାଲିବାନ ପୁଣି ଥରେ ଆଫଗାନିସ୍ଥାନର ବିଭିନ୍ନ ଅଂଚଳ ଦଖଲ କରିବା ଆରମ୍ଭ କରିଛି । ଏହା ଫଳରେ ବିଭିନ୍ନ ଦେଶ ଆଫଗାନିସ୍ଥାନରେ ଥିବା ନିଜ ନିଜର ନାଗରିକମାନଙ୍କୁ ଫେରାଇ ନେଉଛନ୍ତି । ନିକଟରେ ଚୀନ ସରକାର ମଧ୍ୟ ଆଫଗାନିସ୍ଥାନରେ ଥିବା ନିଜର ୨୧୦ ଜଣ ନାଗରିକଙ୍କୁ ଫେରାଇ ନେଇଛନ୍ତି ।