କରୋନାଭାଇରସର ଉତ୍ପତ୍ତିସ୍ଥଳ ଊହାନରୁ ଉଠିଲା ୭୬ଦିନିଆ ଲକଡାଉନ୍
ଊହାନ୍: କରୋନାଭାଇରସର ଉତ୍ପତ୍ତିସ୍ଥଳ ଊହାନରୁ ୧୧ ସପ୍ତାହ ଲକଡାଉନ୍ ଉଠିବା ପରେ ବୁଧବାର ସକାଳୁ ପ୍ରଥମ ଟ୍ରେନ୍ ଯାତ୍ରା ଆରମ୍ଭ କରିଛି । କେନ୍ଦ୍ରୀୟ ଚୀନର ଏହି ସହର ମଧ୍ୟକୁ ଓ ବାହାରକୁ ଯାତ୍ରା କରିବାକୁ ନାଗରିକମାନଙ୍କୁ ଅନୁମତି ମିଳିଛି ।
Sambad is now on WhatsApp
Join and get latest news updates delivered to you via WhatsApp
କରୋନାଭାଇରସ୍ ସଂକ୍ରମଣ ଦମନ କରିବାକୁ ଊହାନରେ ଜାରି ହୋଇଥିବା ଅଭୂତପୂର୍ବ ଲକଡାଉନ ସମଗ୍ର ବିଶ୍ୱର ବିଭିନ୍ନ ଦେଶ ପାଇଁ ଆଦର୍ଶ ପାଲଟିଛି । ହୁବେଇ ପ୍ରଦେଶର ରାଜଧାନୀ ଊହାନରୁ କଟକଣା ଉଠିଯିବା ପରେ ଏଠାରେ ଆଉ ଏକ ଚାଲେଞ୍ଜ ସାମ୍ନାକୁ ଆସିଛି । ନୂଆ ସଂକ୍ରମଣ ସଂଖ୍ୟା ଯଥା ସମ୍ଭବ କମ୍ ରଖି ପୁଣି ଥରେ ବାଣିଜ୍ୟ ଓ ସାଧାରଣ ଜୀବନଯାପନ ସ୍ୱାଭାବିକ କରିବା ହେଉଛି ଏହି ଚାଲେଞ୍ଜ ।
ବୁଧବାର ମଧ୍ୟରାତ୍ରୀ ପରେ ଊହାନ୍ ସହରର ୧୧ ନିୟୁତ ଜନତାକୁ ଅବାଧରେ ଜୀବନଯାପନ କରିବାକୁ ଅନୁମତି ମିଳିଛି । ଏଥିପାଇଁ ପ୍ରଶସ୍ତ ୟାଙ୍ଗଜେ ନଦୀର ଦୁଇପାରିରେ “ଲାଇଟ୍ ସୋ’ ଆୟୋଜିତ ହୋଇଥିଲା । ନଭଶ୍ଚୁମ୍ଭୀ ଅଟ୍ଟାଳିକା ଏବଂ ପୋଲ ଉପରେ ରୋଗୀମାନଙ୍କୁ ସହାୟତା କରୁଥିବା ସ୍ୱାସ୍ଥ୍ୟ କର୍ମୀଙ୍କ ଚିତ୍ର ଆନିମେଟ୍ କରାଯାଇ ପ୍ରଦର୍ଶିତ ହୋଇଥିଲା । ନାଗରିକମାନେ ଊହାନ ମୁକ୍ତ ବୋଲି କହି ପତାକା ହଲାଇ ଥିଲେ । ଏହା ସହ ଚୀନର ଜାତୀୟ ସଙ୍ଗୀତ ମଧ୍ୟ ଗାନ କରାଯାଇଥିଲା । କିନ୍ତୁ, ଏହି ଜନତା ସୁସ୍ଥ ରହୁଛନ୍ତି କି, ପୁଣି ଥରେ ସଂକ୍ରମଣର ଶିକାର ହେଉଛନ୍ତି ତାହା ଅନୁଧ୍ୟାନ କରିବା ନିମନ୍ତେ ଡାଟାଟ୍ରାକିଙ୍ଗ୍ ସ୍ମାର୍ଟ ଫୋନ୍ ଏବଂ ସରକାରୀ ସର୍ଭିଲେନସ୍ ଜାରି ରହିଛି ।