ନୂଆଦିଲ୍ଲୀ : ଚୀନ ପାକିସ୍ତାନର ଗ୍ବାଦର ବନ୍ଦରକୁ ବାଣିଜ୍ୟିକ ଉଦ୍ଦେଶ୍ୟ ଉଦ୍ଦେଶ୍ୟ ପାଇଁ ଉପଯୋଗ କରୁଥିବା କହୁଥିଲେ ମଧ୍ୟ ଏହା ଯେ ସାମରିକ ଉଦ୍ଦେଶ୍ୟ ପାଇଁ ଉଦ୍ଦିଷ୍ଟ ତାହା ପୂର୍ବରୁ ସଂଦେହ କରାଯାଉଥିଲା । ଏବେ ଏହି ସଂଦେହ ଧୀରେ ଧୀରେ ସତ ବୋଲି ପ୍ରମାଣିତ ହେବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ସାଟେଲାଇଟ ଚିତ୍ରରୁ ଜଣାପଡ଼ିଛି ଯେ ପାକିସ୍ତାନ ବେଲୁଚିସ୍ତାନ ପ୍ରଦେଶ ସ୍ଥିତ ଗ୍ବାଦର ବନ୍ଦର ନିକଟରେ କେତେକ ହାଇ ସିକ୍ୟୁରିଟି ଜୋନ ନିର୍ମାଣ କରିଛି । ଏହି ଜୋନଗୁଡ଼ିକ ଚାରିପଟେ ଉଚ୍ଚପ୍ରାଚୀର ରହିଛି ଓ ଏହାକୁ ଚାରିପଟୁ ସଶସ୍ତ୍ର ଗାର୍ଡ ସୁରକ୍ଷା ଦେଉଛନ୍ତି । ଏହା ଭିତରେ ନାଭାଲ ବେସ ପାଇଁ କାମ ଚାଲୁଥିବା ବିଶେଷଜ୍ଞମାନେ ସଂଦେହ କରୁଛନ୍ତି । ଏସବୁ ଜୋନଗୁଡ଼ିକୁ ଚାଇନା କମୁନିକେସନ୍ସ କନଷ୍ଟ୍ରକ୍ସନ କମ୍ପାନି (ସିସିସିସି)କୁ ଦିଆଯାଇଥିବା କୁହାଯାଉଥିବାବେଳେ ଏହାକୁ ଚୀନ ନୌସେନା ନିଜ ଅକ୍ତିଆରରେ ରଖିଥିବା ଜଣାଯାଇଛି । ଏହି ଅଂଚଳ ନିକଟରେ ନୀଳ ରଙ୍ଗର ଛାତ ଥିବା କେତେକ ଘର ଦେଖିବାକୁ ମିଳୁଛି । ସେଗୁଡ଼ିକ ଚୀନ ନୌସେନାର ଯବାନ ମାନଙ୍କ ପାଇଁ ଉଦ୍ଦିଷ୍ଟ ବୋଲି ସଂଦେହ କରାଯାଉଛି ।
ପାକିସ୍ତାନରେ ନୌସେନା ଘାଟି ନିର୍ମାଣ କରି ଚୀନ ଗୋଟିଏ ପଟେ ଭାରତକୁ ଘେରିବାକୁ ଚକ୍ରାନ୍ତ କରୁଥିବାବେଳେ ଅନ୍ୟପଟେ ଭାରତ ମହାସାଗରରେ ନିଜର ସ୍ଥିତିକୁ ସୁଦୃଢ କରିବାକୁ ଲକ୍ଷ୍ୟରଖିଛି । ଆହୁରି ମଧ୍ୟ ଏହି ବନ୍ଦ ଦ୍ବାରା ଆରବ ଜଗତ ସହ ଚୀନ ସିଧାସଳଖ ଯୋଗାଯୋଗ କରିପାରିବ । କିନ୍ତୁ ଭାରତ ପାଇଁ ଚୀନର ଏହି ଯୋଜନା ଚିନ୍ତାର ବିଷୟ ହୋଇଛି ।