ନୂଆଦିଲ୍ଲୀ: ଭାରତୀୟ ସେନା ଦାବି କରିଛି ଅରୁଣାଚଳ ପ୍ରଦେଶରୁ ହଜିଥିବା ବାଳକକୁ ଚୀନର ସେନା ବାହିନୀ ପିପୁଲ୍ସ ଲିବେରେସନ ଅଫ୍ ଆର୍ମି(ପିଏଲଏ) ପାଇଛି । ଏହି ନାବାଳକର ନାମ ମିରମ ତରୋନ ଓ ସେ ୧୭ ବର୍ଷୀୟ ବୋଲି ଚିହ୍ନଟ କରାଯାଇଛି । ତରୋନକୁ ଅରୁଣାଚଳ ପ୍ରଦେଶ ସିୟୁଙ୍ଗଲାର ଲୁଙ୍ଗଟା ଜୋର ଅଞ୍ଚଳରୁ ଚୀନ୍ ଉଠାଇ ନେଇଛି ବୋଲି ଅଭିଯୋଗ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ତେଜପୁରର ପ୍ରତିରକ୍ଷା ଅଧିକାରୀ ଲେଫ୍ଟନାଣ୍ଟ କର୍ଣ୍ଣେଲ୍ ହର୍ଷବର୍ଦ୍ଧନ ପାଣ୍ଡେ ରବିବାର କହିଛନ୍ତି, ତରୋନ ନିଜ ଗାଁ ଜିଦାରୁ ହଜି ଯାଇଥିଲା । ତାକୁ ପିଏଲଏ ପାଇଛି । ଚୀନର ସେନା ବାହିନୀ ଏବିଷୟରେ ଆମକୁ ଖବର ଦେଇଛି ଓ କହିଛି ତରୋନକୁ ଭାରତକୁ ଫେରାଇବାର ଆବଶ୍ୟକ ପ୍ରକ୍ରିୟାର ପାଳନ କରା ଯାଉଛି ।
ତରୋନ ହଜିଥିବାର ଖବର ପାଇ ଭାରତୀୟ ସେନା ତାକୁ ଖୋଜିବା ପାଇଁ ପିଏଲଏର ସାହାଯ୍ୟ ମାଗିଥିଲା। ଭାରତୀୟ ସେନା ଶୀଘ୍ର ହିଁ ହଟ୍-ଲାଇନ୍ ଦ୍ଵାରା ପିଏଲଏ ସହିତ ଯୋଗାଯୋଗ କରିଥିଲା । ଭାରତୀୟ ସେନା ପିଏଲଏକୁ କହିଥିଲା ଜଡିବୁଟି ସଂଗ୍ରହ କରୁଥିବା ଏକ ବାଳକ ରାସ୍ତା ଭୁଲି ଯାଇଛି ଓ ମିଳୁ ନାହିଁ ।
ଅରଣାଚଳ ପ୍ରଦେଶର ସାଂସଦ ତାପିର ଗାଓ ନାବାଳିକ ହଜିଥିବାର ଖବର ସ୍ଥାନୀୟ ଅଧିକାରୀଗଣ ଓ ଗୃହ ରାଜ୍ୟ ମନ୍ତ୍ରୀ ଏନ୍.ପ୍ରାମାଣିକଙ୍କୁ ଦେଇଥିଲେ । ଏହା ସହିତ ସେ ଭାରତ ସରକାରଙ୍କ ସମସ୍ତ ସଂସ୍ଥାମାନଙ୍କୁ ନାବାଳକକୁ ଖଲାସ କରିବା ପାଇଁ ଜରୁରୀ ପଦକ୍ଷେପ ନେବେ ପାଇଁ ଅନୁରୋଧ କରିଥିଲେ ।